మీటూ ఉద్యమంలో భాగంగా క్యాస్టింగ్ డైరెక్టర్ విక్కీ సిదానాపై నటి కృతిక శర్మ నా డ్రెస్ విప్పేసి మీద పడ్డాడు. సెకన్లలో నన్ను ఆక్రమించేశాడు’ అని ఆరోపించిన విషయం తెలిసిందే. గత నెలలో కృతిక ఇచ్చిన ఫిర్యాదుతో సిదానాపై ఐపీసీ సెక్షన్లు 354, 509 మరియు 406 కింద ముంబై వెర్సోవా పోలీసులు ఎఫ్‌ఐఆర్‌ నమోదు చేశారు. MeToo ఉద్యమం తీవ్రరూపం దాల్చిన సమయంలో తనకు ఎదురైన చేదు అనుభవాలను నటి భయటపెట్టారు.
తాను పడుకుని అవకాశాలు సంపాదించాలని ఇండస్ట్రీకి రాలేదని, కానీ ఆఫరిస్తే తనకేమిస్తావంటూ విక్కీ సిదానా పదేపదే అడిగేవాడని ఫిర్యాదులో పేర్కొన్నారు. ఆరేళ్ల కిందట ఇండస్ట్రీలో అవకాశాల కోసం చూస్తున్నప్పుడు విక్కీ సిదానా పరిచయం అయ్యారు. ఛాన్స్‌ అడిగే తన ఇంటికి రమ్మన్నారు. ఆయన భార్య ఉంటారు కదా అని వెళ్లాను. పని ఉందంటూ వేరే అపార్ట్‌మెంట్‌కు తీసుకెళ్లాడు. గదిలోకి వెళ్లగానే తలుపులేసి నన్ను బెడ్ మీదకు తోశాడు. బలవంతగా నా ప్యాంట్ కిందకు లాగేసి మీద పడి అత్యాచారం చేయబోయడు. ఇతరులతో పడుకుని అవకాశాలు సంపాదించాలని రాలేదని, నీ మీద నమ్మకంతోనే వచ్చానని చెప్పడంతో వదిలి పెట్టాడని నటి ఇటీవల వివరించారు.
కాగా, తనపై వచ్చిన ఆరోపణల్ని విక్కీ సిదానా గతంలోనే ఖండించారు. తనపై దుష్ప్రచారం చేస్తున్నారని, తన లాయర్లు దీనిపై చట్టపరంగా ముందుకెళ్తారని పేర్కొన్నారు. ఈ క్రమంలో క్యాస్టింగ్ డైరెక్టర్ సిదానాపై బుధవారం పోలీసులు కేసు నమోదు చేసి విచారణ చేపట్టారు.
