బాలీవుడ్‌ యంగ్‌ హీరో సుశాంత్ సింగ్ తో అనుబంధం ఉన్న వారు ఆయన నటించిన ‘చిచోరే’కు జాతీయ అవార్డు రాగానే తనతో గడిపిన క్షణాలను నెమరువేసుకున్నారు. వారిలో మన టాలీవుడ్‌ నటుడు నవీన్ పోలిశెట్టి ఒకరు. సుశాంత్ సింగ్ రాజ్ పుత్ తో కలసి ‘చిచోరే’ సినిమాలో నటించాడు. అవార్డు వచ్చిన సంతోషకరమైన విషయాన్ని షేర్ చేసుకోవడానికి సుశాంత్ భౌతికంగా లేక‌పోవ‌డంతో నవీన్ తనని త‌లుచుకుని సోషల్‌ మీడియాలో ఎమోషనల్‌ అయ్యాడు. “ఓవైపు ‘చిచోరే’కు జాతీయ అవార్డు వచ్చింది. మరోవైపు ‘జాతిరత్నాలు’ బ్లాక్‌బస్టర్‌ హిట్ కొట్టింది. సుశాంత్.. ఇదంతా నువ్వు చూస్తున్నావని నాకు తెలుసు. ఇది నీకే సొంతం. అలాగే యూనిట్‌కు శుభాకాంక్షలు. లవ్‌ యూ యాసిడ్‌” అంటూ ట్వీట్‌ చేశాడు నవీన్ పోలిశెట్టి. ‘చిచోరే’లో హీరో ఫ్రెండ్‌ యాసిడ్‌ పాత్రలో నవీన్ నవ్వుల పువ్వులు పూయించాడు.
#Chhichhore wins the National award for Best Hindi film. And #JathiRatnalu is a blockbuster. I know you are watching Sushant. This one is for you . Miss you bhai ❤️ congratulations to Nitesh sir , maya , Derek , bewda, mummy , Sexa and the whole team. Love , Acid ❤️ pic.twitter.com/ZWri1ebrGJ
— Naveen Polishetty (@NaveenPolishety) March 23, 2021
