చరణ్ సినిమాకి కొత్త క్లాస్‌ టైటిల్‌?

మెగా పవర్‌ స్టార్‌ రామ్‌ చరణ్‌, బోయపాటి శ్రీను కాంబినేషన్‌లో ఓ చిత్రం తెరకెక్కుతున్న సంగతి తెలిసిందే. ఇ‍ప్పటికే మేజర్‌ పార్ట్ షూటింగ్ పూర్తి చేసుకున్న ఈ మూవీని 2019 సంక్రాంతి కానుకగా రిలీజ్ చేసేందుకు ప్లాన్‌ చేస్తున్నారు. ఇప్పటికే ఈ సినిమాకు స్టేట్‌రౌడీ, తమ్ముడు లాంటి టైటిల్స్‌ పరిశీలిస్తున్నట్టుగా ప్రచారం జరుగుతోంది.

తాజాగా మరో ఇంట్రస్టింగ్ టైటిల్‌ తెర మీదకు వచ్చింది. అన్నదమ్ముల అనుబంధం నేపథ్యం తెరకెక్కుతున్న ఈ సినిమాకు ‘వినయ విధేయ రామ’ అనే టైటిల్‌ను పరిశీలిస్తున్నారట. అంతేకాదు నిర్మాత డీవీవీ దానయ్య ఈ టైటిల్‌ను ఫిలిం ఛాంబర్‌లో రిజిస్టర్‌ చేయించినట్టుగా తెలుస్తుంది. బోయపాటి గత చిత్రం జయ జానకి నాయక టైటిల్‌ తరహాలోనే ఈ సినిమాకు కూడా క్లాస్‌ టైటిల్‌ను నిర్ణయించే అవకాశం ఉందన్న టాక్‌ వినిపిస్తోంది. దసరా సందర్భంగా ఈ సినిమా ఫస్ట్‌లుక్‌ పోస్టర్‌ను రిలీజ్‌ చేసే అవకాశం ఉంది. అదే రోజు టైటిల్‌ విషయంలో కూడా క్లారిటీ వస్తుందని ఎదురుచూస్తున్నారు ఫ్యాన్స్‌. ఈ సినిమాలో కైరా అద్వానీ హీరోయిన్‌గా నటిస్తోంది.