Aamir Khan About Love Jihad:
బాలీవుడ్ మిస్టర్ పర్ఫెక్షనిస్ట్ అమీర్ ఖాన్ ప్రస్తుతం తన కొత్త చిత్రం సితారే జమీన్ పార ప్రమోషన్ లో బిజీగా ఉన్నాడు. జూన్ 20న విడుదల కాబోతున్న ఈ సినిమాను ప్రమోట్ చేస్తూ అమీర్ తాజాగా ఇచ్చిన ఓ ఇంటర్వ్యూలో చేసిన వ్యాఖ్యలు ఇప్పుడు ఇంటర్నెట్ లో పెద్ద చర్చకు దారితీశాయి.
2014లో విడుదలైన పీకే చిత్రం తర్వాత నుండి అమీర్ ఖాన్ మీద కొన్ని వర్గాలు లవ్ జిహాద్ ఆరోపణలు చేస్తూ వచ్చాయి. అయితే ఇప్పుడు అమీర్ క్లారిటీ ఇచ్చాడు. ఇండియా టీవీకి ఇచ్చిన ఇంటర్వ్యూలో మాట్లాడుతూ —
> ‘‘అవి తప్పు. మేము ఏ మతానికి కూడా వ్యతిరేకం కాదు. మతాన్ని ఆశ్రయించి మోసగాళ్లు సామాన్య ప్రజలను మోసం చేయడం గురించి ‘పీకే’లో చూపించాం. ఇది అన్ని మతాలలో ఉంటుంది. సినిమా ఉద్దేశం అదే’’ అని స్పష్టంగా చెప్పారు.
పీకేలో అనుష్క శర్మ-సుశాంత్ సింగ్ రాజ్‌పుత్ ల ప్రేమకథపై గతంలో వచ్చిన వ్యతిరేకతను కూడా అమీర్ చర్చించారు.
> ‘‘ఇది మానవత్వం గురించి. మతాన్ని మించి ఉంటుంది. హిందూ-ముస్లిం లు ప్రేమలో పడితే అది లవ్ జిహాద్ కాదు’’ అన్నారు.
తన కుటుంబంలోనూ అమీర్ అంతర్జాతీయ పెళ్లిలను ఉదాహరణగా చెప్పారు. అతని సోదరి ఫర్హత్ రాజీవ్ దత్తాను, నిఖత్ సంతోష్ హెగ్డేను పెళ్లి చేసుకున్నారు. కుమార్తె ఐరా ఖాన్ ఇటీవల నుపూర్ శిఖరేతో వివాహం చేసుకుంది.
తన పిల్లల పేర్లు భార్యలే పెట్టారని అమీర్ నవ్వుతూ చెప్పారు.
> ‘‘హజ్బెండ్ మాట అంతగా నడవదు’’ అన్నారు. ఐరా పేరు హిందూ దేవత సరస్వతిని సూచించే “ఇరావతి” నుంచి వచ్చిందని వెల్లడించారు.
మతం మీద తన అభిమానం గురించి మాట్లాడుతూ,
> ‘‘నేను ముస్లిం అయినందుకు గర్విస్తున్నాను. నేను హిందుస్తానీ అయినందుకు కూడా గర్విస్తున్నాను’’ అంటూ సమాధానమిచ్చారు.
సితారే జమీన్ పార చిత్రంలో అమీర్ సరసన జెనీలియా డిసూజా నటిస్తున్నారు. RS ప్రసన్న దర్శకత్వం వహించిన ఈ సినిమా స్పోర్ట్స్ కామెడీ డ్రామాగా రూపొందింది. 2007లో విడుదలైన తారే జమీన్ పారకి స్పిరిచువల్ సీక్వెల్ గా ఈ చిత్రాన్ని చెబుతున్నారు.
