దర్శకుడు పూరి జగన్నాథ్‌, ఎనర్జిటిక్‌ హీరో రామ్‌ కాంబినేషన్‌లో తెరకెక్కిన మాస్ ఎంటర్‌టైనర్‌ మూవీ ‘ఇస్మార్ట్ శంకర్’. పూరి మార్క్‌ మాస్ యాక్షస్‌ ఎలిమెంట్స్‌తో తెరకెక్కిన ఈ చిత్రం గురువారం ప్రేక్షకుల ముందుకు రానుంది. ఇప్పటికే అన్ని కార్యక్రమాలు పూర్తి చేసుకున్న ఈసినిమాకు సెన్సార్‌ బోర్డ్‌ ‘ఏ’ సర్టిఫికేట్‌ను జారీ చేసింది.
గతంలో పూరి దర్శకత్వంలో విడుదల అయిన దేశముదురు, పోకిరి, బిజినెస్‌మేన్‌ లాంటి సినిమాలు ఏ సర్టిఫికేట్‌తోనే సూపర్‌ హిట్‌ అయ్యాయి. ఇప్పుడు ఇస్మార్ట్ శంకర్ విషయంలోనూ అదే సెంటిమెంట్‌ వర్క్‌ అవుట్‌ అవుతుందన్న నమ్మకంతో ఉన్నారు చిత్రయూనిట్‌. ఈ సందర్భంగా రామ్‌ ఆసక్తికర ట్వీట్ చేశాడు.
సినిమాల్లో ప్రారంభమయ్యే ముందు వేసే స్టాట్యూటరీ వార్నింగ్‌ తరహాలో ‘ధూమపానం, మద్యపానంతో పాతో ఇస్మార్‌ శంకర్‌లా నిజజీవితంలో వ్యవహరించటం ఆరోగ్యానికి హానికరం. ఇస్మార్‌ శంకర్ ఓ కల్పిత పాత్ర అనే తెలుసుకోగలిగినంత ఇస్మార్ట్‌గా వ్యవహరించండి’ అంటూ ట్వీట్ చేశారు. ఈ చిత్రంలో నిధి అగర్వాల్. నభా నటేష్‌ హీరోయిన్లుగా నటిస్తున్నారు. మణిశర్మ ఈ సినిమాకు సంగీతమందిస్తున్నారు.
The Censor Board says it’s “A” kickass film!
Statutory Warning:
Cigarette Smoking, Consumption of Alcohol and Following #iSmartShankar in real life are injurious to health.
Be ismart enough to realise that he’s “A” fictional character.. #love
-R.A.P.O pic.twitter.com/yLIexKL4JV— Ustaad iSmart Shankar (@ramsayz) July 16, 2019
