టాలీవుడ్‌లో ఛలో సినిమాతో హీరోయిన్‌గా ఎంట్రీ ఇచ్చిన బ్యూటీ రష్మిక మందన్న. ప్రస్తుతం వరుస సినిమాలతో బిజీగా మారింది. కన్నడ చిత్రం ద్వారా తెరంగేట్రం చేసిన రష్మిక టాలీవుడ్‌తో పాటు బాలీవుడ్‌లోనూ అవకాశాలు అందిపుచ్చుకుంది. సోషల్ మీడియాలోనూ ఈ బ్యూటీ చాలా యాక్టివ్‌గా ఉంటుంది. తాజాగా రష్మిక నోట నుండి మొత్తానికి పెళ్లి వార్త వినిపించింది.
ఇటీవలే తమిళ సినీ పరిశ్రమలో అడుగుపెట్టిన రష్మిక.. సుల్తాన్ సినిమాతో తమిళ ప్రేక్షకులను బాగా ఆకట్టుకుంది. ఇందులో పల్లెటూరి అమ్మాయి గా నటించిన ఈ కన్నడ బ్యూటీ.. తన నటనతో ప్రేక్షకులను ఫిదా చేసింది. అంతే కాకుండా ఈ సినిమా మంచి సక్సెస్ ను అందుకున్న నేపథ్యంలో తాజాగా ఆసక్తికర విషయాలను పంచుకుంది. తనకు తమిళ సంప్రదాయం, సంస్కృతి చాలా భిన్నంగా అనిపించిందని తెలిపింది. అవి ఎంతగానో ఆకర్షించాయని, అక్కడ భోజనం, వంటలు చాలా రుచి గా ఉన్నాయని తెలిపింది ఈ బ్యూటీ. తమిళ వంటకాలంటే చాలా ఇష్టమని.. అందుకే ఎప్పటికైనా తమిళ ఇంటి కోడలు కావాలనే కోరిక ఉందని తెలిపింది. ప్రస్తుతం తెలుగులో ఐకాన్ స్టార్ అల్లుఅర్జున్ నటిస్తున్న పుష్ప సినిమాలో హీరోయిన్‌గా నటిస్తుంది.
