గతకొన్ని రోజులుగా మెగా బ్రదర్‌ నాగబాబు చేస్తున్న కామెంట్స్‌ సోషల్‌ మీడియాలో ఏరేంజులో దుమారం లేపుతున్నాయో తెలిసిందే. బాలకృష్ణ ఎవరో తెలియదంటూ ఓ ఇంటర్వ్యూలో నాగబాబు అనడం. పైగా అప్పట్లో కమెడియన్‌ బాలయ్య అనే అతను నాకు తెలుసు అంటూ.. చురకలు అంటించిన సంగతి తెలిసిందే. రాను రాను ఈ వివాదం తారాస్థాయికి చేరుకుంది. నాగబాబు ‘ఎన్టీఆర్‌’ బయోపిక్‌ పైనా తనదైన శైలిలో విమర్శలు గుప్పించారు. ఓ వైపు ఈ రచ్చ జరుగుతూ ఉంటే.. వివాదాలకు కేరాఫ్‌ అయిన రామ్‌ గోపాల్‌ వర్మ కూడా ఇందులో ఎంటర్‌ అయ్యాడు.
నాగబాబు చేస్తున్న కామెంట్స్‌పై ఆర్జీవీ సోషల్‌ మీడియాలో తనదైన శైలిలో కామెంట్‌ చేశాడు. ‘కామెంట్లో నన్ను మించిపోయారనే నా బాధ ఒక వైపు.. తన స్టార్‌ బ్రదర్స్‌ని సమర్థించుకోవడంలో సూపర్‌ స్టార్‌అయ్యారని ఒకవైపు.. ఒక కంట కన్నీరు.. మరో కంట పన్నీరు.. నాగబాబు గారు హ్యాట్సాఫ్‌.. మీరు మీ బ్రదర్స్‌ను ఎంతగా ప్రేమిస్తున్నారో.. నేనూ అంతే ప్రేమిస్తున్నాను’ అంటూ ట్వీట్‌ చేశాడు.
Commemtlalo nannu minchipoyarane naa jealousy baadha oka vaipu..Thana star brotherlani defend cheyyatamlo super star ayipoyarane aanandam oka vaipu..Oka kanta kanneru ..Maro kanta panneru..Naga babu Garu Hats Off ..I love ur brothers as much as u luv them https://t.co/paFwmyDdTz
— Ram Gopal Varma (@RGVzoomin) January 7, 2019
