నేచురల్ హీరో నాని నటించిన వీ చిత్రంపై నటి సాక్షి మాలిక్ కోర్టులో పరువు నష్టం దావా వేశారు. మోహన కృష్ణ ఇంద్రగంటి డైరెక్షన్లో దిల్రాజు ఈ చిత్రాన్ని నిర్మించారు. ఇందులో సుధీర్బాబు, నివేదా థామస్, అదితిరావు నటించారు. ఈ చిత్రంలో ఓ సన్నివేశంలో కమర్షియల్ సెక్స్ వర్కర్ ఫొటోను వేరే వ్యక్తికి ఫోన్లో చూపిస్తాడు. అయితే తన అనుమతి లేకుండా అందులో సెక్స్ వర్కర్గా తన ఫొటోను చూపించారని ఆరోపిస్తూ సాక్షి మాలిక్ కోర్టులో పిటిషన్ వేశారు. ఈ చిత్రం ఓటీటీలో విడుదలైన సంగతి తెలిసిందే. అనుమతి లేకుండా వేరే వ్యక్తుల ఫోటోలను, ముఖ్యంగా ప్రైవేట్ ఇమేజ్ను ఉపయోగించడం చట్ట విరుద్ధమని హైకోర్టు తీర్పునిచ్చింది. నటి అభ్యంతరం తెలిపిన సినిమాలోని సన్నివేశాలను వెంటనే తొలగించాలని ఆదేశించింది.