టాలీవుడ్‌ స్టార్‌ హీరోయిన్‌ సమంత ప్రస్తుతం ఆధ్యాత్మిక ప్రపంచంలో సేదతీరుతున్నారు. నిన్న రాత్రి కోయంబత్తూర్‌లో ఈషా ఫౌండేషన్‌లో ఆమె పాల్గొన్నారు. ఆధ్యాత్మిక గురువు జగ్గీ వాసుదేవ్ నేతృత్వంలో ఆశ్రమంలో అనేక మందితో కలిసి ధ్యానంలో పాల్గొన్నారు. అనంతరం, ధ్యానానికి ఇంత శక్తి ఉన్నట్టు తాను ముందు ఊహించలేకపోయానంటూ ఇన్‌స్టాలో తన అనుభూతిని పంచుకున్నారు.
అయితే, ధ్యానమార్గంలో ప్రయాణిస్తున్న సమంతకు ఓ కొత్త ప్రశాంతత దక్కిందో ఏమో గానీ ఆమె తాజాగా ఫుల్ హ్యాపీ మూడ్‌లో ఉన్న ఫొటోను షేర్ చేశారు. గెలాటో మార్నింగ్ అంటూ ఫ్యాన్స్ కు విషెస్ చెప్పారు. ఫుల్ ఛిల్‌ మూడ్‌లో ఉన్నానంటూ నేరుగా చెప్పేసింది. పిల్లి పిల్లతో బెడ్ మీద పడుకుని చిరునవ్వులు చిందిస్తున్న సమంత ఫొటో ఎప్పటిలాగే అభిమానులకు తెగ నచ్చేసింది. ఫ్యాన్స్ కూడా వందల సంఖ్యలో గుడ్ మార్నింగ్ మెసేజీలు, హార్ట్ సింబల్స్‌ ఎమోజీలతో హోరెత్తిస్తున్నారు.
