ఈ రోజు రాజకీయ నాయకుడి గ్రాఫ్ ? మరియు నేపథ్యం విషయానికి వస్తే.. గడికోట శ్రీకాంత్ రెడ్డి. ప్రస్తుతం ప్రజల్లో గడికోట శ్రీకాంత్ రెడ్డి పరిస్థితేంటి ?, అసలు ఆయన నేపథ్యం ఏమిటి ? తెలుసుకుందాం రండి. ఉమ్మడి కడప జిల్లా రామాపురం మండలం సుద్ధమల్ల గ్రామ పంచాయతీ పరిధిలోని యర్రంరెడ్డిగారి పల్లె గ్రామంలో గడికోట శ్రీకాంత్ రెడ్డి ప్రముఖ రాజకీయ కుటుంబంలో జన్మించారు. ఎన్నికల అఫిడవిట్ ప్రకారం శ్రీకాంత్ కర్ణాటకలోని తుముకూరు ఎస్. ఐ. టి కళాశాలలో ఇంజనీరింగ్ విభాగంలో బీఈ పూర్తి చేశారు. శ్రీకాంత్ రాజకీయాల్లోకి రాకముందు అమెరికాలో సాఫ్ట్వేర్ కంపెనీ మరియు పలు వ్యాపారాలు నిర్వహించారు. శ్రీకాంత్ కుటుంబ నేపథ్యం లోకి వెళ్తే.. తండ్రి గడికోట మోహన్ రెడ్డి బంధువులు గడికోట రామ సుబ్బారెడ్డి మరియు గడికోట ద్వారకనాథ్ రెడ్డి లు సైతం లక్కిరెడ్డిపల్లె నుంచి ఎమ్మెల్యే లుగా ప్రాతినిధ్యం వహించారు.
శ్రీకాంత్ తన తండ్రి స్ఫూర్తి తో రాజకీయాల్లోకి అడుగుపెట్టి కాంగ్రెస్ పార్టీ తరఫున 2009 లో రాయచోటి నుంచి పోటీ చేసి ఎమ్మెల్యే గా విజయం సాధించారు. వైఎస్ జగన్ తో పాటు కాంగ్రెస్ పార్టీ నుంచి బయటకు వచ్చి ఆయన స్థాపించిన వైసీపీ పార్టీలో చేరారు. అనంతరం ఎమ్మెల్యే పదవికి రాజీనామా చేసి 2012లో జరిగిన ఉప ఎన్నికల్లో వైసీపీ నుంచి పోటీ చేసి విజయం సాధించారు. 2014, 2019 లలో వైసీపీ తరుపున అదే నియోజకవర్గం నుంచి పోటీ చేసి విజయం సాధించడం జరిగింది. 2019 నుండి ప్రస్తుతం వరకు ప్రభుత్వ చీఫ్ విప్ గా ఉన్నారు.
వైఎస్ కుటంబానికి కడప జిల్లాలో రాజకీయ విధేయులుగా ఉన్న కుటుంబాల్లో గడికోట కుటుంబం ఒకటి. ఆ కుటుంబానికి చెందిన శ్రీకాంత్ రెడ్డి కి వైసీపీ అధినేత జగన్ కి అత్యంత ఆత్మీయుడు. సుదీర్ఘ కాలం రాజకీయాల్లో ఉన్న శ్రీకాంత్ కు మంత్రి పదవికి మాత్రం అందని ద్రాక్షగా ఉండిపోయింది అని రాయచోటి ప్రజల్లో విస్తృతమైన ప్రచారం జరుగుతుంది. ఇంతకీ, రాజకీయ నాయకుడిగా గడికోట శ్రీకాంత్ రెడ్డి గ్రాఫ్ ఎలా ఉంది ?, ప్రజల్లో గడికోట శ్రీకాంత్ రెడ్డి పై ఉన్న ప్రస్తుత అభిప్రాయం ఏమిటి ?, వచ్చే ఎన్నికల్లో గడికోట శ్రీకాంత్ రెడ్డి పరిస్థితేంటి ?,
