టాలీవుడ్ యంగ్ హీరో సిద్ధు జొన్నలగడ్డ నటిస్తున్న తాజా చిత్రం ‘డీజే టిల్లు’. అట్లుంటది మనతోని అనేది ఉపశీర్షిక. విమల్ కృష్ణ డైరెక్షన్లో వస్తున్న ఈ సినిమా జనవరి 14న ప్రేక్షకుల ముందుకురానుంది. ఈ నేపథ్యంలో టైటిల్ గీతాన్ని చిత్ర బృందం తాజాగా విడుదల చేసింది. హీరో గుణగణాలను వివరిస్తూ సాగుతుందీ ఈ పాట. టిల్లు అంటే ఏంటో ఈ పాట ద్వారా తెలియజేసే ప్రయత్నం చేశారు రచయిత కాసర్ల శ్యామ్. రామ్ మిర్యాల గానం అందరినీ అలరించేలా ఉంది. శ్రీచరణ్ పాకాలతో కలిసి రామ్ ఈ పాటకు స్వరాలు సమకూర్చారు. ఈ సినిమాలో సిద్ధు సరసన నేహాశెట్టి సందడి చేయనుంది. ఈవినోదాత్మక చిత్రాన్ని సూర్యదేవర నాగవంశీ నిర్మిస్తున్నారు.
డీజే టిల్లు నుండి డీజే పాట విడుదల
