వాణీ విశ్వనాథ్‌ నట వారసురాలి టాలీవుడ్‌ ఎంట్రీ

టాలీవుడ్‌ సీనియర్‌ హీరోయిన్‌ వాణీ విశ్వనాథ్‌ సోదరి ప్రియా విశ్వనాథ్‌ కూతురు. వ‌ర్షా విశ్వ‌నాథ్‌… వాణీ విశ్వనాథ్‌కు నట వారసురాలిగా తెలుగు పరిశ్రమలో అడుగుపెడుతుంది. కేరళలోని త్రిస్సూర్‌లో ఇంటర్‌ పూర్తి చేసిన వర్షా విశ్వనాథ్‌ తమిళంలో మూడు చిత్రాల్లో నటించారు.‘రెడ్డిగారింట్లో రౌడీయిజం’ చిత్రంతో ఇప్పుడు టాలీవుడ్‌కు పరిచయం కానున్నారు. రమణ్‌ హీరోయిన్‌గా శిరీషారెడ్డి నిర్మిస్తున్న చిత్రమిది. ఎం.రమేశ్‌, గోపీ సంయుక్తంగా దర్శకత్వం వహిస్తున్నారు.

ఈ చిత్రంలో వర్ష పక్కింటి అమ్మాయిగా కనిపించనుందని దర్శక నిర్మాతలు వెల్లడించారు. ఒక సినిమా సెట్‌ మీద ఉండగానే మరో రెండు చిత్రాలకు సంతకం చేసింది వర్ష. రెండో చిత్రం హీరో రమణ్‌తో వట్టికూటి చంద్ర దర్శకత్వంలో చేయనున్నారు. సంగీత దర్శకుడు కోటి తనయుడు రాజీవ్‌ సాలూరితో ఓ సినిమా చేయడానికి వర్షా విశ్వనాథ్‌ అంగీకరించారు. ఇవి కాకుండా త‌మిళంలోనూ సినిమాల్లో న‌టించారు వ‌ర్షా విశ్వ‌నాథ్‌.

CLICK HERE!! For the aha Latest Updates