సీనియర్‌ స్టార్‌ హీరోయిన్‌ రాధ కూతురు కార్తీక నాయ‌ర్ జోష్‌ సినిమాతో టాలీవుడ్‌లో హీరోయిన్‌గా ఎంట్రీ ఇచ్చింది. త‌ర్వాత జీవా హీరోగా తెలుగు, త‌మిళ భాషల్లో విడుదలైన ‘రంగం’ సినిమాలో నటించింది. ఈ సినిమా రెండు భాషల్లో హిట్‌ కావడంతో మంచి గుర్తింపుతో పాటు ఆఫర్లును అందుకుంది. ఫలితంగా ఎన్టీఆర్ సరసన దమ్ము, బ్రదర్‌ ఆఫ్‌ బొమ్మాలి వంటి సినిమాల్లో నటించింది. అయితే ఈ అమ్మడు పెద్దగా గుర్తింపు రాలేదు.
గత కొంత కాలంగా ఆఫర్లు లేకపోవడంతో ఈ బ్యూటీ ఇక నటనకు గుడ్‌బై చెప్పాల‌ని నిర్ణయించుకున్నట్లు కోలీవుడ్ స‌ర్కిల్‌లో జోరుగా వినిపిస్తున్నాయి. సినిమాలకు స్వస్తి చెప్పి వ్యాపారం వైపు శ్ర‌ద్ధ పెట్టాల‌ని కార్తీక నిర్ణ‌యించుకున్న‌ట్టు తెలుస్తోంది. ప్రస్తుతం ఈ వార్త సోషల్‌ మీడియాలో వైరల్‌ అవుతుంది.
