టాలీవుడ్ హీరో అల్లు అర్జున్ వారసురాలు అల్లు అర్హ ప్రత్యేక కవర్ సాంగ్ లో పెర్ఫామ్ చేసింది. ‘అంజలి` సినిమాలోని క్లాసిక్ సాంగ్ ‘అంజలి అంజలి’ లో కనిపిస్తుంది. ఈ పాటకు సినిమాటోగ్రాఫర్ సూర్య తేజ ముసునూరు ఛాయాగ్రహణం అందించారు. అర్హ విజువల్స్ ని అద్భుతంగా తీర్చిదిద్దారని తనని ఎంతో క్యూట్ గా ప్రెజెంట్ చేశారు. అల్లు వారసురాలు అర్హ ఆ పాటలో ఎంతో ముద్దుగా హావభావాలు పలికించింది. ఈ పాటలో మాస్టర్ తరుణ్ ప్లేస్లో అల్లు అయాన్ కనిపించాడు. ఇక సాంగ్లో అల్లు అరవింద్, అల్లు అర్జున్, మరో ఇద్దరు అర్హని ముద్దు చేస్తూ కనిపించారు. ఈపాటను ఈ రోజు ఉదయం 11:00 గంటలకు రిలీజ్ చేశారు. ఈ సాంగ్ నెటిజన్లను ఆకట్టుకుంటుంది.
ఆకట్టుకుంటున్న అల్లు అర్హ ‘అంజలి’ కవర్ సాంగ్
