Arjun S/o Vyjayanthi OTT Release Date:
కళ్యాణ్ రామ్ నటించిన తాజా సినిమా అర్జున్ సన్ ఆఫ్ విజయంతి ఇప్పుడు ఓటీటీలో అందుబాటులోకి వచ్చేసింది. ఈ సినిమా ఏప్రిల్ 18న థియేటర్లలో విడుదలై మంచి స్పందన తెచ్చుకుంది. ప్రదీప్ చిలుకూరి దర్శకత్వం వహించిన ఈ సినిమాలో, ప్రేక్షకులను ఆకట్టుకునే విధంగా భావోద్వేగాలతో కూడిన యాక్షన్ డ్రామా చూపించారు.
విజయశాంతి ఈ సినిమాలో కీలకమైన పాత్రలో కనిపించారు. చాలా కాలం తర్వాత ఆమె మళ్లీ స్క్రీన్ మీద పవర్‌ఫుల్ రీ ఎంట్రీ ఇచ్చారు. ఆమె పాత్ర, డైలాగ్స్ సినిమాలో హైలైట్ అని చెప్పొచ్చు. సాయి మంజ్రేకర్ కళ్యాణ్ రామ్ భార్యగా నటించగా, శ్రీకాంత్ విలన్‌గా బాగా వర్కౌట్ అయ్యారు. సినిమా నిర్మాణ విలువలు మంచి స్థాయిలో ఉన్నాయన్నది స్పష్టంగా కనిపిస్తుంది.
ఇప్పుడు ఈ సినిమా అమెజాన్ ప్రైమ్ వీడియోలో ఇండియాలో ఉచితంగా స్ట్రీమింగ్ అవుతోంది. మొదట యూకేలో రెంట్‌కు మాత్రమే అందుబాటులో ఉన్న ఈ సినిమా ఇప్పుడు మనవద్ద ఉచితంగా వచ్చింది. ఇంట్లోనే ఈ సినిమాని సౌకర్యంగా చూసే అవకాశం వచ్చింది.
అజనీష్ లోక్‌నాథ్ అందించిన నేపథ్య సంగీతం సినిమాకు బలాన్నిచ్చింది. కథ కాస్త ఎమోషనల్‌గా నడుస్తుండటం వల్ల ఫ్యామిలీ ఆడియన్స్‌కు బాగా నచ్చేలా ఉంది. ఓటీటీ ఆడియన్స్ ఎలా రిసీవ్ చేస్తారో చూడాలి కానీ, స్ట్రీమింగ్ మొదలైన వెంటనే సోషల్ మీడియాలో బజ్ పెరిగింది.
ALSO READ: ప్రపంచంలోనే Most Expensive Music Video ఎవరు తీసారో తెలుసా?
