టాలీవుడ్లో భూమిక తనదైన శైలిలో నటించి హీరోయిన్ ప్రత్యేక గుర్తింపు తెచ్చుకుంది. విభిన్నమైన పాత్రల ద్వారా మంచి విజయాలను అందుకుంది. కొన్ని రోజులు గ్యాప్ తీసుకున్న భూమిక రీ ఎంట్రీ తరువాత అక్క .. వదిన పాత్రలలో కనిపిస్తోంది. ఆ పాత్రలకి ప్రాధాన్యత ఉంటేనే ఆమె అంగీకరిస్తుంది.
అలా ‘మిడిల్ క్లాస్ అబ్బాయి’.. ‘ సవ్యసాచి’ వంటి సినిమాల్లో నటించిన భూమిక, తాజాగా మరో సినిమాలో అక్క పాత్రలో కనిపించనున్నట్టు వార్తలు వినిపిస్తున్నాయి. గోపీచంద్ తాజాగా సంపత్ నంది దర్శకత్వంలో ‘సీటీమార్’ సినిమా చేస్తున్నాడు. ఈ సినిమాలో ఆయన కబడ్డీ కోచ్ గా కనిపించనున్నాడు. ఈ చిత్రంలో తమన్నా హీరోయిన్గా నటిస్తోంది. ఈ సినిమాలో హీరో అక్క పాత్రకి ప్రాధాన్యత ఉండటంతో, భూమికను ఖరారు చేసుకున్నట్టు సమాచారం. మణిశర్మ సంగీతం అందిస్తున్నారు.