అల్లు అర్జున్ హీరోగా లింగుస్వామి దర్శకత్వంలో ఓ సినిమా రానున్న సంగతి తెలిసిందే. బన్నీ
కూడా ఈ సినిమాపై చాలా ఎగ్జైట్మెంట్ తో ఉన్నాడు. త్వరలోనే ఈ సినిమాను సెట్స్ పైకి తీసుకు
వెళ్లడానికి సన్నాహాలు చేస్తున్నారు. అయితే ఈ సినిమాలో హీరోయిన్ గా ఎవరిని తీసుకోవాలనే
మాటల్లో కీర్తి సురేశ్ పేరు ఎక్కువగా వినిపిస్తోంది. ‘నేను.. శైలజ’ సినిమాతో యూత్ లో క్రేజ్
తెచ్చుకున్న ఈ భామ తమిళంలో స్టార్ హీరోల సరసన నటిస్తోంది. కీర్తిను హీరోయిన్ గా తీసుకుంటే
మార్కెట్ వైజ్ కూడా సినిమాకు ప్లస్ అవుతుందని భావించి ఆమెనే ఫైనల్ చేయాలనుకుంటున్నారు.
కీర్తి గనుక ఈ సినిమాకు గ్రీన్ సిగ్నల్ ఇస్తే మెగాకాంపౌండ్ లో మిగిలిన హీరోలతో నటించడానికి
ఆమెకు ఎక్కువ సమయం పట్టదు. ఇది కాకుండా.. ఈ సినిమా గురించి మరో ఆసక్తికర వార్త
వినిపిస్తోంది. ఈ సినిమాలో అల్లు అర్జున్ ద్విపాత్రాభినయం చేస్తున్నట్లు చెబుతున్నారు. అందులో
ఒకటి నెగెటివ్ షేడ్స్ లో ఉన్న పాత్ర కావడం విశేషం. ఇదే గనుక నిజమైతే అల్లు అర్జున్ కెరీర్
కు ఇదొక మైలురాయి కావడం ఖాయం.
