బాలకృష్ణ వందవ చిత్రం ‘గౌతమీపుత్ర శాతకర్ణి’, చిరంజీవి 150వ సినిమా ‘ఖైదీ నెంబర్ 150’ సినిమాను
భారీ బడ్జెట్ లో రూపొందుతోన్న సంగతి తెలిసిందే. దానికి తగ్గట్లుగానే సినిమాల ప్రీ రిలీజ్ బిజినెస్
కూడా భారీ స్థాయిలో జరుగుతోంది. అయితే ఇప్పుడు ఈ రెండు సినిమాలు ఒకేరోజు విడుదల
కానున్నాయనే మాటలు వినిపిస్తున్నాయి. నిజానికి శాతకర్ణి సినిమాను జనవరి 12న విడుదల
చేయాలనుకున్నారు. అయితే సెలవుల సమయం కావడంతో రెండు రోజులు ముందుగానే సినిమాను
రిలీజ్ చేస్తే బావుంటుందనే ఆలోచనలో ఉన్నారు. బయ్యర్లు కూడా ఈ విషయంపై నిర్మాతలపై
ఒత్తిడి తెస్తున్నట్లు సమాచారం. కాబట్టి సినిమా రెండు రోజులు ముందుగానే విడుదలయ్యే అవకాశాలు
కనిపిస్తున్నాయి. అలానే ఖైదీ నెంబర్ 150 సినిమాను జనవరి 13న విడుదల చేయాలనుకున్నారు.
ఇప్పుడు ఆ డేట్ ను కాస్త ప్రీపోన్ చేసి జనవరి 11న రావాలని చిత్రబృందం భావిస్తోందట. ఈ రెండు
సినిమాలు ఒకేరోజు విడుదలయిన ఆశ్చర్యపోనక్కర్లేదనే అభిప్రాయాలు వ్యక్తమవుతున్నాయి.
చిరు, బాలయ్యలు ఓకేరోజు రానున్నారా..?
