Dilruba Review:
‘KA’ హిట్ తర్వాత కిరణ్ అబ్బవరం మరోసారి ప్రేక్షకుల ముందుకు వచ్చిన రొమాంటిక్ యాక్షన్ డ్రామా ‘దిల్రుబా’. విశ్వా కరణ్ దర్శకత్వంలో వచ్చిన ఈ చిత్రం నేడు థియేటర్స్లో విడుదలైంది. సినిమా ఎలా ఉందో చూద్దాం.
కథ:
సిద్ధార్థ్ రెడ్డి అలియాస్ సిద్ధు (కిరణ్ అబ్బవరం)కి “సారీ” “థాంక్ యూ” అనే మాటలంటే అస్సలు ఇష్టం ఉండదు. ఓ సంఘటనలో మేఘన (కేథీ డేవిసన్)కి క్షమాపణ చెప్పాల్సిన పరిస్థితి వస్తుంది. కానీ, అది తట్టుకోలేక ఆమెతో బ్రేకప్ చేసుకుంటాడు. బ్రేకప్ బాధ నుంచి బయటపడేందుకు మంగళూరుకు వెళ్లి చదువు కొనసాగిస్తాడు. ఇదే సమయంలో మేఘన పెళ్లి చేసుకుని అమెరికా వెళ్లిపోతుంది.
మంగళూరులో సిద్ధు అంజలి (రుక్షార్ ధిల్లోన్)ని కలుస్తాడు. ఇద్దరి మధ్య అర్థం కాని అనుబంధం ఏర్పడుతుంది. అయితే అనుకోని సంఘటన వల్ల వారి మధ్య గ్యాప్ వస్తుంది. ఈ విషయం తెలుసుకున్న మేఘన తిరిగి ఇండియాకు వచ్చి సిద్ధు, అంజలి మధ్య విభేదాలను తొలగించేందుకు ప్రయత్నిస్తుంది. చివరికి సిద్ధు జీవితంలో ఎవరు స్థానం సంపాదించుకున్నారు? అనే క్లైమాక్స్ తో సినిమా ముగుస్తుంది.
నటీనటులు:
కిరణ్ అబ్బవరం తన స్టైల్కి తగ్గట్టుగానే ఎనర్జిటిక్గా నటించాడు. అయితే, క్యారెక్టర్లో కొత్తదనం లేకపోవడం చిన్న మైనస్. రుక్షార్ ధిల్లోన్ తన పాత్రకు న్యాయం చేసింది, ముఖ్యంగా కామెడీ టైమింగ్ బాగుంది. కానీ, కథీ డేవిసన్ మాత్రం ఎక్స్ప్రెషన్స్ లేకుండా ఎమోషనల్గా కనెక్ట్ కాలేకపోయింది. విలన్ జాన్ విజయ్ క్యారెక్టర్ కొంతవరకు కామెడీగా అనిపించింది.
సాంకేతిక అంశాలు:
దర్శకుడు విశ్వా కరణ్ కథకు కొత్తదనం ఇవ్వలేకపోయాడు. స్క్రీన్ప్లే చాలా స్లోగా సాగిపోవడం సినిమాకి ప్రధాన సమస్య. సినిమాటోగ్రఫీ ఓకే అనిపించినా, ఎడిటింగ్ మరింత క్రిస్ప్గా ఉండాల్సింది. సమ్ సి.ఎస్ మ్యూజిక్ కనీస స్థాయిలో కూడా ఎఫెక్టివ్గా అనిపించలేదు. యాక్షన్ సీన్స్ బాగున్నా, విజువల్ ఎఫెక్ట్స్ లోపభూయిష్టంగా ఉన్నాయి.
ప్లస్ పాయింట్స్:
* కిరణ్ అబ్బవరం ఎనర్జిటిక్ పెర్ఫార్మెన్స్
* రుక్సార్ ధిల్లోన్ కామెడీ టైమింగ్
* కొన్ని యాక్షన్ సీన్స్ ఆకట్టుకునేలా ఉన్నాయి
మైనస్ పాయింట్స్:
– బలహీనమైన కథ, ఆసక్తికరమైన ఎలిమెంట్స్ లేకపోవడం
– రెండో భాగం మరింత డ్రాగ్ అవ్వడం
– కేథీ డేవిసన్ నటన బలహీనంగా ఉండడం
– మ్యూజిక్, విజువల్స్ అంతగా మెప్పించలేకపోవడం
తీర్పు:
దిల్రుబా ఓ మామూలు రొమాంటిక్ యాక్షన్ డ్రామా. కథలో కొత్తదనం లేకపోవడం, స్లో నేరేషన్ సినిమాకి పెద్ద మైనస్. కిరణ్ అబ్బవరం, రుక్సార్ ధిల్లోన్ పెర్ఫార్మెన్స్ కొంతవరకు సినిమా సాగదీసినా, ఫలితంగా సినిమా అంతగా ఎంగేజింగ్ అనిపించదు. కిరణ్ ఫ్యాన్స్, రొటీన్ రొమాంటిక్ సినిమాలు చూడగలిగినవాళ్లు ఓసారి ప్రయత్నించవచ్చు.
రేటింగ్: ⭐⭐½ (2.5/5)
