సంతోష్ శోభన్, కావ్య థాపర్ హీరో, హీరోయిన్‌లుగా నటించిన చిత్రం ‘ఏక్ మినీ కథ’. డైరెక్టర్‌ మేర్లపాక గాంధీ కథ అందించగా.. కార్తీక్ రాపోలు దర్శకత్వం వహించాడు. మ్యాంగో మాస్ మీడియా సమర్పణలో యూవీ కాన్సెప్ట్స్ బ్యానర్ పై ఈ సినిమా రూపొందింది. ఏప్రిల్ లోనే విడుదల కావాల్సిన ఈ సినిమా కరోనా కారణంగా వాయిదా పడింది. ఇప్పుడీ సినిమా ఓటీటీలో విడుదలకు రెడీ అయింది. అమెజాన్ ప్రైమ్ వీడియోలో ఈనెల 27న ‘ఏక్ మినీ కథ’ చిత్రాన్ని రిలీజ్ చేస్తున్నట్లు మేకర్స్ ప్రకటించారు. ఈ నేపథ్యంలో తాజాగా సినిమాకు సంబంధించిన ట్రైలర్ ను రిలీజ్ చేశారు.
ఈ ట్రైలర్ ఫన్నీ గా ఆసక్తికరంగా సాగింది. ఇందులో శ్రద్ధాదాస్ కీలక పాత్ర పోషిస్తుండగా.. బ్రహ్మాజీ, సుదర్శన్, పోసాని కృష్ణ మురళి, హర్షవర్ధన్, సప్తగిరి తదితరులు ఇతర పాత్రల్లో నటించారు. ప్రవీణ్ లక్కరాజు సంగీతం సమకూర్చురు. మే 27న రిలీజ్ అవుతున్న ఈ చిత్రానికి ప్రేక్షకుల నుంచి ఎలాంటి స్పందన వస్తోందో చూడాలి.
