కాజల్ ‘ఎంతవరకు ఈ ప్రేమ’!

జీవా, కాజల్ అగర్వాల్ జంట‌గా తెర‌కెక్కిన‌ రొమాంటిక్ కామెడీ ఎంటర్ టైనర్ ‘కవలై వేండాం’ తెలుగులో ‘ఎంత వరకు ఈ ప్రేమ’ పేరుతో అనువాద‌మ‌వుతున్న సంగ‌తి తెలిసిందే. ‘యామిరుక్క బ‌య‌మేన్‌’ ఫేమ్ డీకే దర్శకత్వం వ‌హించిన ఈ సినిమా అన్ని కార్య‌క్ర‌మాలు పూర్తి చేసుకుని ఈనెల 7న రిలీజ‌వుతోంది. ఈ సందర్భంగా….
డి.వి.సినీ క్రియేషన్స్ అధినేత, నిర్మాత డి.వెంకటేష్ మాట్లాడుతూ.. ”అన్ని ప‌నులు పూర్తి చేశాం. ఈనెల 7న  సినిమాని రిలీజ్ చేస్తున్నాం. ‘రంగం’ చిత్రాన్ని త‌మిళంలో నిర్మించిన ఎల్రెడ్ కుమార్ ఈ సినిమాను త‌మిళంలో నిర్మించి రిలీజ్ చేశారు. అక్క‌డ పెద్ద విజయం అందుకుని ఇప్పుడు తెలుగులో వ‌స్తోంది. తెలుగు ట్రైల‌ర్స్‌, పాట‌లు ఆక‌ట్టుకున్నాయి. జీవా, కాజ‌ల్ న‌ట‌న యువ‌త‌రానికి క్రేజీగా అనిపిస్తుంది. తెలుగు ప్రేక్ష‌కుల్ని వంద శాతం మెప్పించే చిత్ర‌మిది” అన్నారు.