నేచురల్ స్టార్ నాని ‘దసరా’ సినిమాతో భారీ విజయాన్ని అందుకున్నాడు. ప్రస్తుతం తన 30వ సినిమా పనులతో బిజీగా ఉన్నాడు. ఈ సినిమా షూటింగ్ కార్యక్రమాలు శరవేగంగా జరుగుతున్నాయి. నాని పక్కన మృణాల్ ఠాకూర్ హీరోయిన్. మోహన్ చెరుకూరి నిర్మిస్తున్న ఈ సినిమాకు కొత్త దర్శకుడు శౌర్యన్ పరిచయమవుతున్నాడు.
నాని 30వ సినిమాపై ఇప్పటికే భారీ అంచనాలున్నాయి. ఓ తండ్రీ, కూతురి మధ్య అనుబంధం, రెండు పాత్రల మధ్య చోటుచేసుకునే ఎమోషన్స్తో కూడిన కథ. ఈ సినిమాకు ఇంకా టైటిల్ ఖరారు చేయలేదు. ఇప్పటికే చాలా టైటిల్స్ పరిశీలించారు. వాటిలో మూడు టైటిల్స్ను ప్రధానంగా అనుకుంటున్నారు.
హలో డాడీ .. హలో నాన్న .. హాయ్ నాన్న అనే టైటిల్స్ పరిశీలిస్తున్నారు. ఈ మూడింటిలో ఒకటి సెలెక్ట్ చేసి, టైటిల్ పోస్టర్ను రిలీజ్ చేయబోతున్నారు. ఈ సినిమాకి హేషం అబ్దుల్ సంగీతం. టైటిల్ ఖరారు చేశాక ప్రమోషన్స్ మొదలెట్టనున్నారు.
