పవన్ కల్యాణ్, మహేష్ బాబు వంటి హీరోల సరసన అవకాశాలు పట్టేస్తున్న కీర్తి సురేష్ ఇప్పుడు అల్లు అర్జున్ సినిమాలో కూడా నటించబోతోందని టాక్. నేను శైలజ సినిమా తరువాత కోలీవుడ్ లో బిజీ హీరోయిన్ గా మారిపోయింది కీర్తి. ఈ మధ్యనే టాలీవుడ్ లో కూడా వరుస సినిమాలు ఒప్పుకుంటూ అందరినీ ఆశ్చర్యపరుస్తోంది.
ఈ నేపధ్యంలో బన్నీ కొత్త సినిమాలో అవకాశం దక్కించుకున్నట్లు సమాచారం. బన్నీ ప్రస్తుతం ‘దువ్వాడ జగన్నాథం’ సినిమాలో నటిస్తున్నాడు. ఈ సినిమా తరువాత ఆయన లింగుస్వామి దర్శకత్వంలో ఓ సినిమా చేయడానికి గ్రీన్ సిగ్నల్
ఇచ్చాడు. ఈ సినిమాలో హీరోయిన్స్ చాలా మంది పేర్లు వినిపించాయి.
చివరగా కీర్తి సురేష్ అయితే బావుంటుందని ఆమెను సంప్రదిస్తున్నట్లు తెలుస్తోంది. ఆమెనే ఫైనల్ చేసే అవకాశాలు
కనిపిస్తున్నాయి. వచ్చే ఏడాది మార్చి నెలలో ఈ సినిమా సెట్స్ పైకి వెళ్లనుంది. జ్ఞానవేల్ రాజా ఈ సినిమాను నిర్మిస్తున్నారు. ఇలా వరుసగా క్రేజీ హీరోల పక్కన నటిస్తూ.. ఆమె క్రేజీ హీరోయిన్ గా మారడం ఖాయమనే అభిప్రాయాలు వ్యక్తమవుతున్నాయి.
