అన్ని ఇండస్ట్రీలలో ప్రస్తుతం బయోపిక్‌ల సీజన్‌ నడుస్తోంది. సినీ రాజకీయా క్రీడా ప్రముఖుల జీవిత కథల నేపథ్యంలో పలు భాషల్లో సినిమాలు రూపొందుతున్నాయి. ఈ లిస్ట్‌లో ఓ సైంటిస్ట్‌ కూడా చేరబోతున్నాడు. హీరో ఆర్‌ మాధవన్ స్వయంగా దర్శకత్వం వహిస్తూ నటిస్తున్న సినిమా రాకెట్రీ. ఇస్రో శాస్త్రవేత్త నంబి నారాయణన్‌ జీవిత కథ ఆధారంగా ఈ సినిమాను తెరకెక్కిస్తున్నారు.
ఈ సినిమా కోసం మాధవన్ చూపిస్తున్న డెడికేషన్‌ అందరిని విస్మయానికి గురిచేస్తుంది. ఇప్పటికే తన లుక్‌కు సంబంధించిన అప్‌డేట్స్‌తో ఆకట్టుకుంటున్న మాధవన్ తాజాగా తన ఫైనల్‌ లుక్‌ను రివీల్ చేశాడు. అచ్చు నంబి నారాయణన్‌లా మారిపోయాడు మాధవన్. ప్రస్తుతం చిత్రీకరణ జరుపుకుంటున్న ఈ సినిమాను తెలుగు, తమిళ, ఇంగ్లీష్‌, హిందీ భాషల్లో తెరకెక్కిస్తున్నారు.
