తెలుగు నటుల్లో చిరంజీవికే అగ్రస్థానం

మెగాస్టార్ చిరంజీవి చాలా గ్యాప్ తర్వాత ‘ఖైదీ నం.150’తో టాలీవుడ్‌లో రీఎంట్రీ ఇచ్చారు. ప్రస్తుతం ‘సైరా’ షూటింగ్‌తో బీజీగా ఉన్నారు. వచ్చే ఏడాది ఈ సినిమా ప్రేక్షకుల ముందుకు రానుంది. వయసు మీరుతున్నా ప్రేక్షకుల్లో తనకున్న ఇమేజ్‌ ఏ మాత్రం తగ్గలేదని మరోసారి నిరూపించారు చిరంజీవి. 2018లో గూగుల్ సెర్చ్‌లో అత్యధిక మంది వెతికిన తెలుగు నటుల్లో చిరంజీవి అగ్రస్థానంలో నిలిచారు. దీంతో ఆయన క్రేజ్ ఏంటో మరోసారి నిరూపితమైంది. చిరంజీవి తర్వాత నాని, బాలకృష్ణ, విజయ్ దేవరకొండ, రష్మిక, అనసూయ, ప్రకాష్‌రాజ్, మోహన్‌బాబు, జగపతిబాబు‌, నాగశౌర్య తదితరులు ఉన్నారు.

పాటల విభాగంలో వారూ వీరూ(దేవదాస్), మాటే వినదుగా(టాక్సీవాలా), మై వరల్డ్ ఈజ్ ఫ్లయింగ్(హలోగురూ ప్రేమ కోసమే), ఇంకేం ఇంకేం కావాలే( గీతగోవిందం), పెనివిటి(అరవింద సమేత), ఏంటీ ఏంటీ(గీతగోవిందం) కోసం ఎక్కువ మంది వెతికారు. సినిమాల విభాగంలో గీతగోవిందం, సర్కార్, రంగస్థలం, భరత్ అనే నేను, కాలా, 2.0, మహానటి, కృష్ణార్జున యుద్ధం, విశ్వరూపం-2 కోసం ఎక్కువ మంది గూగుల్ సెర్చ్‌లో వెతికారు.