టాలీవుడ్లో ‘ఉయ్యాలా జంపాలా’ సినిమాతో హీరోగా ఎంట్రీ ఇచ్చాడు రాజ్ తరుణ్. మళ్లీ ఇప్పుడు ముచ్చటగా రాజ్ తరుణ్ తో మూడో సినిమాను అన్నపూర్ణ స్టూడియోస్ బ్యానర్ లో నిర్మిస్తున్నాడు నాగార్జున. హడావుడీ లేకుండా మొదలైన ఆ సినిమా షూటింగ్ దాదాపు చివరి దశకు చేరుకుందట. 2016లో రాజ్ తరుణ్ హీరోగా ‘సీతమ్మ అందాలు రామయ్య సిత్రాలు’ చిత్రాన్ని రూపొందించిన శ్రీనివాస్ గవిరెడ్డి ఈ సినిమాకు దర్శకత్వం వహిస్తున్నాడు. మోడల్ కాషిశ్ ఖాన్ ఈ మూవీతో హీరోయిన్ గా టాలీవుడ్ ఎంట్రీ ఇస్తోంది. ఈ సినిమాకు ‘అనుభవించు రాజా’ అనే టైటిల్ ను ఫిక్స్ చేయబోతున్నట్టు టాక్. గత ఎడాది కరోనా టైమ్ లో రాజ్ తరుణ్ నటించిన ‘ఒరేయ్ బుజ్జిగా’ ఓటీటీలో విడుదలైంది. ఈ ఎడాది మార్చిలో ‘పవర్ ప్లే’ మూవీ థియేట్రికల్ రిలీజ్ అయ్యింది. కానీ బాక్సాఫీస్ దగ్గర ఎలాంటి ప్రభావం చూపలేకపోయింది. అయితే… రాజ్ తరుణ్ తాజాగా మూవీ ‘స్టాండప్ రాహుల్’కు మంచి బజ్ క్రియేట్ అయ్యింది.
