టాలీవుడ్‌ యంగ్‌ హీరో కిరణ్ అబ్బవరం వైవాహిక జీవితంలోకి అడుగుపెట్టబోతున్నారని వార్తలు చక్కర్లు
కొడుతున్నాయి. ‘రాజావారు రాణిగారు’ సినిమా హీరోగా ఎంట్రీ ఇచ్చాడు. యూట్యూబ్‌లో షార్ట్ ఫిల్మ్స్
తీసుకుంటూ ఉన్న కిరణ్ అబ్బవరం ఈ సినిమాతో టాలీవుడ్‌ సిల్వర్ స్క్రీన్ మీద హీరోగా నిలదొక్కుకున్నాడు.
ఆ సినిమాలో రహస్య గోరక్‌ హీరోయిన్‌గా నటించింది. ఇప్పుడు ఆమెను కిరణ్ అబ్బవరం పెళ్లి చేసుకోనున్నారు. కిరణ్ అబ్బవరం, రహస్య గత ఐదేళ్లుగా ప్రేమించుకుని, రిలేషన్ షిప్‌లో ఉంటున్నారన్న సంగతి తెలిసిందే. బుధవారం (మార్చి13) న ఇరు కుటుంబాల పెద్దల సమక్షంలో వీరి ఎంగేజ్ మెంట్ జరగనుందని సమాచారం.
కిరణ్ అబ్బవరం సోషల్‌ మీడియాలో ఎక్కువగా తన పర్సనల్ విషయాలను పంచుకోడు. వ్యక్తిగత విషయాలు బయటకు ఫోకస్ అవ్వకుండా చాలా జాగ్రత్తగా ఉంటాడు. ఈ నేపథ్యంలో కుటుంబ సభ్యుల సమక్షంలో సింపుల్‌గా, ప్రైవేట్‌గా ఈ ఎంగేజ్ మెంట్ కార్యక్రమం జరగనుందని తెలుస్తోంది. వీరి పెళ్లికి సంబంధించిన తేదీలు, ఇతర వివరాలు త్వరలో బయటకు రానున్నాయి.
