Amazon Prime Video Ads Free Subscription:
ఇప్పటివరకు అమెజాన్ ప్రైమ్ వీడియోలో సినిమాలు, వెబ్‌సిరీస్‌లు చూడటం అందరికీ నచ్చే విషయమే. కానీ ఇక ఆ అనుభవం మారబోతోంది. అమెరికా, యూకే, జపాన్, మెక్సికో వంటివాటిలో ఇప్పటికే ప్రకటనలు చూపిస్తూ మొదలుపెట్టిన అమెజాన్, ఇప్పుడు భారతదేశంలోనూ అదే ప్లాన్ అమలు చేయబోతుంది.
ఇప్పటికే చాలా మంది యూజర్లకు ఈమెయిల్ ద్వారా సమాచారం వచ్చింది – జూన్ 17, 2025 నుండి ప్రైమ్ వీడియోలో సినిమాలు, షోలు చూసేటప్పుడు కొన్ని ప్రకటనలు వస్తాయి. మీరు మళ్లీ యాడ్స్ లేకుండా చూడాలంటే అదనంగా ఛార్జ్ చేయాల్సి ఉంటుంది.
ఇంకా వివరంగా చెప్పాలంటే, ఇప్పటి ప్రైమ్ వీడియో సంవత్సరాల చందా రూ.1499 ఉండగా, ఇప్పుడు యాడ్-ఫ్రీ అనుభవం కోసం అదనంగా రూ.699 ఏడాదికి లేదా రూ.129 నెలకు చెల్లించాల్సి ఉంటుంది. అంటే టోటల్‌ రూ.2,198 వరకు ఖర్చవుతుంది. ఇది చాలా మందికి భారంగా అనిపించొచ్చు.
ఇప్పటికే పలు పిరేటెడ్ సైట్లలో ఫ్రీగా సినిమాలు చూస్తున్న వాళ్ల సంఖ్య పెరుగుతోంది. ఇప్పుడు అదనపు ఛార్జ్‌తో మరిన్ని ఆడియెన్స్ అవైధ స్ట్రీమింగ్ వైపు వెళ్లే అవకాశం ఉంది. అమెజాన్ ఈ నిర్ణయంతో భారతీయ మార్కెట్‌ను ఎంతవరకు పట్టు పడగలుగుతుందో చూడాలి.
సినిమాలు, సీరీస్‌లు చూడాలంటే ఇప్పుడు ఖచ్చితంగా మరింత డబ్బు పెట్టాల్సిందే. ఇక ఇది యూజర్లకు నచ్చుతుందా? లేక మరొక OTT ప్లాట్‌ఫామ్ వైపు మళ్లిపోతారా? అన్నది ఆసక్తికరమైన అంశం.
