ప్రముఖ లిరిసిస్ట్ అనంత శ్రీరామ్ పై కేసు నమోదయింది. ఇటీవలే నాగ శౌర్య, రీతు వర్మ జంటగా నటిస్తున్న ఫ్యామిలీ డ్రామా “వరుడు కావలెను”. ఈ మూవీ లక్ష్మీ సౌజన్య దర్శకత్వంలో రూపొందుతున్న తెలుగు రొమాంటిక్ కామెడీ చిత్రం. సితార ఎంటర్‌టైన్‌మెంట్స్ పతాకంపై సూర్యదేవర నాగ వంశీ నిర్మించారు. తాజాగా ఈ సినిమా నుంచి ‘దిగు దిగు దిగు నాగ’ అనే పాటను విడుదల చేసిన సంగతి తెలిసిందే. ఈ పాటలు నాగదేవత కించపరిచే విధంగా అనంత శ్రీరామ్ లిరిక్స్ రాశారని ఆరోపిస్తున్నారు. ఈ పాట హిందువుల మనోభావాలు దెబ్బతీసేలా ఉందంటూ బీజేపీ మహిళా మోర్చా నాయకురాలు బిందు రెడ్డి అనంత శ్రీరామ్ పై కేసు నమోదు చేశారు. నెల్లూరు పోలీస్ స్టేషన్ లో ఆయనపై ఫిర్యాదు చేశారు. మరి ఈ విషయం పై చిత్ర యూనిట్, శ్రీరామ్ ఎలా స్పందిస్తారో చూడాలి. మరోవైపు యూట్యూబ్ లో ఈ సాంగ్ కు మంచి స్పందన వస్తోంది.
