యంగ్‌ టైగర్‌ ఎన్టీఆర్‌ మరోసారి బుల్లితెరపై సందడి చేయడానికి సిద్ధమౌతున్నాడు. జెమిని టీవీలో ప్రసారం కానున్న ‘ఎవరు మీలో కోటీశ్వరులు’ రియాల్టీ షోకి ఆయన హోస్ట్‌గా వ్యవహరించనున్నట్లు గత కొన్ని రోజులు వార్తలు వినిపిస్తున్నాయి. తాజాగా ఈ షో ప్రోమో ఈ రోజు (శనివారం) విడుదల అయింది. ఈ ప్రోమోకి త్రివిక్రమ్‌ శ్రీనివాస్‌ దర్శకత్వం వహించాడు. ఇందులో ఎన్టీఆర్‌ కొమరం భీమ్‌ గెటప్‌లో కనిపించడంతో ప్రేక్షకులు ఫుల్‌ ఖుషిగా ఉన్నారు. అయితే ఈ షో ఎప్పుడు మొదలు కానుంది, తదితర విషయాలు ప్రకటించలేదు. ప్రస్తుతం ఎన్టీఆర్‌ ఆర్‌ఆర్‌ఆర్‌ సినిమాతో బీజీగా ఉన్నాడు.
