మెగాస్టార్ చిరంజీవి నటించిన తాజా చిత్రం ‘గాడ్ఫాదర్’. మోహన్ రాజా దర్శకత్వంలో వస్తున్నఈ సినిమా విడుదలకు సిద్ధంగా ఉంది. ఈ మూవీ మలయాళంలో సూపర్ హిట్టయిన ‘లూసీఫర్’కు రీమేక్గా తెరకెక్కింది. ఇక ఇప్పటికే చిత్రం నుండి విడుదలైన టీజర్, ట్రైలర్లు సినిమాపై భారీ అంచనాలు కలిగించాయి. రిలీజ్ డేట్ దగ్గర పడుతుండటంతో మేకర్స్ వరుసగా అప్డేట్లను ప్రకటిస్తున్నారు. తాజాగా చిత్రబృందం మరో క్రేజీ అప్డేట్ను ప్రకటించింది.
‘గాడ్ఫాదర్’ టైటిల్ సాంగ్ను సోమవారం సాయంత్రం 6.03 నిమిషాలకు విడుదల చేయనున్నట్లు ప్రకటించారు. అంతేకాకుండా ఓ స్పెషల్ పోస్టర్ను విడుదల చేశారు. ఈ పోస్టర్లో చిరును చెస్ బోర్డులోని రాజుకు సింబాలిక్ చూపించారు. ఈ చిత్రాన్ని కొణిదెల ప్రొడక్షన్స్, సూపర్ గుడ్ ఫిలింస్ సంయుక్తంగా నిర్మించాయి. సల్మాన్ఖాన్ అతిధి పాత్రలో నటించగా సత్యదేవ్, నయనతార కీలకపాత్రలు పోషించారు. ఎస్ఎస్ థమన్ సంగీతాన్ని అందించాడు.
