టాలీవుడ్‌ యంగ్‌ హీరో నిఖిల్ సిద్ధార్థ్ ఈ రోజు (జూన్ 1) పుట్టిన రోజు జరుపుకుంటున్న సంగతి తెలిసిందే. ఆయన నటిస్తున్న తాజా చిత్రం ’18 పేజెస్’. ‘కుమారి 21F’ ఫేమ్ పల్నాటి సూర్య ప్రతాప్ డైరెక్షన్‌లో వహిస్తున్న ఈ సినిమాలో అనుపమ పరమేశ్వరన్ హీరోయిన్ గా నటిస్తోంది. ఈ చిత్రానికి ప్రముఖ దర్శకుడు సుకుమార్ స్టోరీ మరియు స్క్రీన్ ప్లే అందిస్తుండటం విశేషం. ప్రస్తుతం ఈ సినిమా షూటింగ్ దశలో ఉంది. తాజాగా నిఖిల్ కు బర్త్ డే విషెస్ అందిస్తూ ’18 పేజెస్’ ఫస్ట్ లుక్ ని విడుదల చేశారు.
ఈ పోస్టర్ ద్వారా సినిమాలో సిద్ధు పాత్రలో నిఖిల్ సిద్ధార్థ్.. నందిని పాత్రలో అనుపమ నటిస్తున్నట్లు తెలిపారు. టైటిల్ తోనే సినిమాపై ఆసక్తి కలిగించిన మేకర్స్.. ఫస్ట్ లుక్ తో దాన్ని రెట్టింపు చేశారు. అల్లు అరవింద్ సమర్పణలో గీతా ఆర్ట్స్ 2 బ్యానర్ పై రానున్న ఈ చిత్రాన్ని బన్నీ వాసు నిర్మిస్తున్నారు. సుకుమార్ రైటింగ్స్ నిర్మాణ భాగస్వామిగా వ్యవహరిస్తోంది. ఈ చిత్రానికి గోపీ సుందర్ సంగీతం సమకూరుస్తున్నారు. వసంత్ కుమార్ సినిమాటోగ్రఫీ అందిస్తుండగా.. నవీన్ నూలి ఎడిటింగ్ వర్క్ చేస్తున్నారు. కాగా నిఖిల్‌కు బర్త్ డే విషెస్ తెలుపుతూ.. ‘కార్తికేయ 2’ నుండి న్యూ పోస్టర్ విడుదల చేసిన సంగతి తెలిసిందే.
#18Pages first look 😱 pic.twitter.com/dp4VZLqHO7
— BookMyShow Buzz (@BMS_Buzz) June 1, 2021
