సినీ నటి, దివంగత తమిళనాడు మాజీ ముఖ్యమంత్రి జయలలిత జీవితం ఆధారంగా తెరకెక్కుతున్న చిత్రం ‘తలైవి’. బాలీవుడ్ క్వీన్ కంగనా రనౌత్ జయలలిత పాత్రలో నటిస్తుంది. విలక్షణ నటుడు అరవింద్ స్వామి ఎంజీఆర్ క్యారెక్టర్లో కనిపించనున్నారు. తమిళం, తెలుగు, హిందీ భాషల్లో ఈ నెల 10న విడుదలకానుంది. ఏ.ఎల్.విజయ్ డైరెక్ట్ చేసిన ఈ సినిమాకు రాజమౌళి తండ్రి వి.విజయేంద్ర ప్రసాద్ కథను సమకూర్చారు. అంతేకాదు జయలలిత జీవితంలో ఎవరికీ తెలియని కోణాలను ‘తలైవి’ సినిమాలో ప్రస్తావించనున్నట్టు సమాచారం. విష్ణు ఇందూరి ఈ చిత్రాన్ని నిర్మించారు. హైదరాబాద్లో ఆదివారం జరిగిన ‘తలైవీ’ ట్రైలర్ లాంచ్ ఈవెంట్ జరిగింది. ఈవెంట్లో కంగనా రనౌత్, అరవింద్ స్వామి, విజయేంద్ర ప్రసాద్ తదితరులు పాల్గొన్నారు.
కంగనా మాట్లాడుతూ.. ప్రొడ్యూసర్ విష్ణు సార్కి ఈ మూవీ బర్త్ డే గిఫ్ట్ అవుతుంది. మీరు ఎప్పటికీ గుర్తుంచుకునే బ్లాక్ బస్టర్ బర్త్ డే గిఫ్ట్ ఇదే అవుతుంది. థాంక్యూ వెరీ మచ్. నాకు తమిళం గురించి కానీ, ఇక్కడి రాజకీయాల గురించి కానీ ఏం తెలియదు. నేను ఈ పాత్రను పోషించగలను అని విజయేంద్ర ప్రసాద్ గారు చెప్పినప్పుడు నేను నమ్మలేదు. కానీ ఇప్పుడు మాత్రం నాకే వింతగా అనిపిస్తోందని’ అన్నారు. జయలలిత లాంటి స్ట్రాంగ్ లేడీగా నటించడం తన అదృష్టం అని ఈ బ్యూటీ చెప్పుకొచ్చింది.
అరవింద్ స్వామి మాట్లాడుతూ.. ఎన్నో సినిమాల్లో నటించాను కానీ ఈ సినిమాలో భాగం కావడం చాలా అద్భుతమైన అనుభవం. ఈ సినిమాతో మీ అందరి ముందుకు రావడం ఆనందంగా ఉంది. విజయ్ సార్తో పాటు చిత్రయూనిట్ అందరికీ ప్రత్యేకంగా ధన్యవాదాలు. ఓ నటుడిగా ఈ సినిమాలో కంగనా లాంటి స్టార్లతో నటించి చాలా నేర్చుకున్నా. ఈ సినిమాను కంగనా తన భుజాలపై వేసుకొని నటించింది. రెండు రోజుల క్రితం ఈ సినిమా చూశా. ఈ సినిమా బిగ్గెస్ట్ హిట్ అవుతుందని నమ్ముతున్నానని తెలిపారు.
