J
ప్రస్తుతం టాలీవుడ్‌లో నెంబర్ ఒన్ హీరోగా కొనసాగుతున్నాడు మహేష్ బాబు. ఈ సూపర్ స్టార్‌కు ఉన్న ఫాలోయింగ్ గురించి అందరికీ తెలుసు. ఇటీవల సరిలేరు నీకెవ్వరూ సినిమాతో సాలిడ్ హిట్ అందుకున్నాడు మహేష్. తాజాగా మహేష్ సౌత్ ఇండియా లో ఏ హీరో క్రియేట్ చేయని రికార్డును క్రియేట్ చేసాడు. సోషల్ మీడియాలో మహేష్‌కి ఉన్నంత ఫాలోయింగ్ దక్షిణాదిన మరే సెలబ్రిటీకీ లేదు. తాజాగా మహేష్ బాబుకు ట్విట్టర్లో అరుదైన గౌరవం దక్కింది. ఏకంగా ట్విట్టర్లో 9 మిలియన్ల మంది మహేష్‌బాబును ఫాలో అవుతున్నారు. ఈ రికార్డు క్రియేట్ చేసిన ఏకైక సౌత్ హీరో మహేష్ మాత్రమే.
2010 ఏప్రిల్‌లో మహేష్ ట్విట్టర్ ఖాతాను ఓపెన్ చేశారు. అప్పటి నుంచి తన కుటుంబంతో దిగిన ఫొటోలు, వీడియోలు అభిమానులతో పంచుకోవడం తెలిసిందే. అలా ట్విట్టర్లో 9 మిలియన్ల మంది అభిమానులను సొంతం చేసుకున్నారు మహేష్. ఈ సందర్భంగా 9 మిలియన్ థ్యాంక్స్ అంటూ ట్వీట్ చేశారు. తనపై ఇంతటి అభిమానం, ప్రేమ చూపించిన ప్రతీఒక్కరికి ధన్యవాదాలు చెప్పారు. ప్రస్తుతానికి షూటింగ్ నుంచి విరామం తీసుకుంటున్న మహేష్‌బాబు వంశీపైడిపల్లి దర్శకత్వంలో తెరకెక్కే చిత్రంలో నటించనున్నట్లు సమాచారం.
9 Million thanks to all my tweeple! Love and gratitude for everyone who's been a part of this amazing journey… 🤗❤#9Millionstrong pic.twitter.com/4WRzmGKf7k
— Mahesh Babu (@urstrulyMahesh) March 7, 2020
