టాలీవుడ్ హీరో, బిగ్బాస్ కంటెస్టెంట్ నవదీప్ పుట్టిన రోజు నేడు(జనవరి 26). ఈ సందర్భంగా ఆయన నటిస్తున్న తాజా మూవీ టైటిల్ ప్రకటించింది చిత్రబృందం. దీనికి సంబంధించిన టీజర్ను నటుడు రానా దగ్గుబాటి విడుదల చేశాడు. ‘పుట్టినందుకు థ్యాంక్స్’ అంటూ మొదలైన ఈ టీజర్లో సినిమాకు ‘లవ్ మౌలి’ అన్న టైటిల్ను ఖరారు చేసినట్లు వెల్లడించారు. ఈ చిత్రంలో నవదీప్ను మరో యాంగిల్లో చూడబోతున్నారని హింట్ ఇచ్చారు. అవనీంద్ర డైరెక్షన్లో వస్తున్న ఈ సినిమాని నైరా క్రియేషన్స్ బ్యానర్పై ప్రశాంత్ రెడ్డి నిర్మిస్తున్నాడు. గోవింద్ వసంత సంగీతం అందిస్తున్నాడు. వీడియో చూస్తుంటే నవదీప్ మరో లెవల్లో కనిపించబోతున్నట్లు తెలుస్తోంది. సినిమాకు సంబంధించిన మరిన్ని వివరాలు త్వరలో తెలియనున్నాయి.
