బాలీవుడ్ యంగ్‌ హీరో సుశాంత్ సింగ్ రాజ్‌పుత్ మృతి కేసులో రోజుకో మలుపు తిరుగుతోంది. ఈ కేసులో ఒకపక్క సీబీఐ దర్యాప్తు కొనసాగుతుండగా, డ్రగ్స్ మాఫియా లింకులు ఒక్కొక్కటిగా వెలుగులోకి వస్తుండటంతో అతడి ప్రియురాలు, నటి రియా చక్రవర్తి ఇంట్లో ఈ రోజు (శుక్రవారం) ఉదయం నార్కోటిక్స్ కంట్రోల్ బ్యూరో (ఎన్‌సీబీ) సోదాలు జరిపింది. మాదక ద్రవ్యాల డీలర్ జైద్ విలాత్రాను ఇప్పటికే అదుపులోకి తీసుకున్న ఎన్‌సీబీ తాజాగా రియా ఇంట్లో సోదాలు నిర్వహించింది. ఎన్‌డీపీఎస్ చట్టం ప్రకారం రియా సోదరుడు షోవిక్ చక్రవర్తితోపాటు రియా ఇంట్లోనూ సోదాలు నిర్వహించినట్టు అధికారులు తెలిపారు.
ఇటీవల ఎన్‌సీబీ అధికారులు మాట్లాడుతూ షోవిక్ సూచనల మేరకే సుశాంత్ మేనేజర్ శామ్యూల్ మిరాండా డ్రగ్స్ సేకరించినట్టు తమకు తెలిసిందని పేర్కొన్నారు. మిరాండాను రియానే గతేడాది సుశాంత్ మేనేజర్‌గా నియమించింది. అప్పటి నుంచి సుశాంత్ ఇంటికి సంబంధించిన అన్ని వ్యవహారాలను అతడే చూసుకునేవాడు. మిరాండా ఇంట్లోనూ ఎన్‌సీబీ తనిఖీలు నిర్వహించింది. తనిఖీలు కొనసాగుతున్నాయని, విచారణకు రావాల్సిందిగా షోవిక్ చక్రవర్తికి, శామ్యూల్ మిరాండాకు నోటీసులు జారీ చేయనున్నట్లు అధికారులు తెలిపారు.
Maharashtra: Officers of Mumbai Police reach the residence of #RheaChakraborty in Mumbai.
A house search is being conducted by Narcotics Control Bureau (NCB) at Showik & Rhea Chakraborty’s residence as provided under NDPS Act. pic.twitter.com/YEnJIXsOGZ
— ANI (@ANI) September 4, 2020
House search of Showik Chakraborty and Samuel Miranda undertaken. Summons served to both to join investigation: Narcotics Control Bureau (NCB). #Mumbai pic.twitter.com/cRnyDkaoaM
— ANI (@ANI) September 4, 2020
