తమిళనాడులో గజ తుఫాను సృష్టించిన బీభత్సం గురించి తెలిసిందే. దీని ధాటికి ఎంతో మంది వీదిన పడ్డారు. ఎంతో ఆస్తి నష్టంతో పాటు.. ప్రాణనష్టమూ సంభవించింది. అయితే వీరిని ఆదుకోవడానికి తమిళ సినీ ప్రముఖులు ఎంతో మంది ముందుకువచ్చారు.
ఈ తుపాను ధాటికి ఓ వృద్దురాలి ఇళ్లు కూలిపోయింది.అయితే దీనికి సంబంధించిన వీడియో సోషల్‌ మీడియాలో వైరల్‌ అవుతూ.. రాఘవ లారెన్స్‌ కంటపడింది. తుఫాను బాధితులకు అండగా.. ఓ యాభై మందికి ఇళ్లు నిర్మించి ఇస్తానని ప్రకటించారు. అందులో భాగంగా మొదటి ఇళ్లును ఆ వృద్దురాలికే కట్టిస్తానని మాటిచ్చారట. ఇంకా ఎవరైనా ఆపదలో ఉంటే.. తనకు తెలియజేయాలని విజ్ఞప్తి చేశారు.
— Raghava Lawrence (@offl_Lawrence) November 25, 2018
