ఎనర్జిటిక్ హీరో రామ్ పోతినేని నటిస్తున్న ద్విభాషా మూవీ ‘వారియర్’. పందెంకోడితో హిట్ దర్శకుడిగా తెలుగునాట పేరు సంపాదించిన లింగుసామి దర్శకత్వం వహించాడు. శనివారం(మే 14న) ఈ మూవీ టీజర్ రిలీజ్ విడుదలైంది. ‘పోలీసోళ్ల టార్చర్ భరించలేకపోతున్నామప్పా.. ఇంతకుముందు సైలెంట్గ ఉండేటోళ్లు ఇప్పుడు వయొలెంట్గా లోపలేస్తాండారు.. ఈ మధ్య సత్య అని ఒకడొచ్చినాడు..’ అంటూ హీరో రామ్ గురించి ఎలివేషన్ ఇచ్చారు.
‘పాన్ ఇండియా సినిమా చూసుంటారు, పాన్ ఇండియా రౌడీలను చూశారా? డియర్ గ్యాంగ్స్టర్స్.. వీలైతే మారిపోండి, లేదంటే పారిపోండి’ అని రామ్ చెప్పిన డైలాగులు బాగున్నాయి. యంగ్ హీరో ఆది పినిశెట్టి విలన్ రోల్లో కనిపించగా హీరోయిన్ కృతీశెట్టి అందచందాలతో ఆకట్టుకుంటోంది. పవన్కుమార్ సమర్పణలో శ్రీనివాస సిల్వర్ స్క్రీన్ పతాకంపై శ్రీనివాస చిట్టూరి నిర్మించిన వారియర్ మూవీ తెలుగు, తమిళ భాషల్లో జూలై 14న విడుదల కానుంది. దేవిశ్రీప్రసాద్ సంగీతం అందించిన ఈ సినిమాలో నటుడు శింబు బుల్లెట్ సాంగ్ను తెలుగు, తమిళం భాషల్లో పాడటం విశేషం.
