టాలీవుడ్ హీరో రానా దగ్గుబాటి, మిహీకా బజాజ్ మరో రెండు రోజుల్లో పెళ్లి పీటలెక్కనున్నారు. ఆగస్టు 8న వీరి వివాహం.. ఈ తరుణంలో సందడి మొదలైంది.. పెళ్లి పనుల హడావిడి ఇరు కుటుంబాల్లోనూ ప్రారంభమైంది. పెళ్లికూతురు మిహికా బజాజ్ హల్దీ వేడుకలో మెరిసిపోయింది. వివాహానికి ముందు జరిగే ఈ వేడుకలో మిహికా పసుపు-ఆకుపచ్చ లెహంగాలో ఆకర్షణీయంగా నిలిచారు. ప్రత్యేక సీషెల్స్ డిజైనర్ ఆభరణాలతో ఆకట్టుకుంటున్నారు.
కాగా రామానాయుడు స్టూడియోలో వివాహం జరగనుంది. రానా, మిహికా కుటుంబాల నుండి కొద్ది మంది అతిథులు మాత్రమే ఈ వివాహానికి హాజరు కానున్నారు. అతిధులందరికీ కరోనా పరీక్షలు నిర్వహించడంతోపాటు, చెఫ్లు, సర్వర్లను కూడా పరీక్షిస్తున్నామని, కరోనా ప్రోటోకాల్ ప్రకారం వారందరూ ఐసోలేషన్లో ఉన్నట్టు రానా తండ్రి, నిర్మాత సురేష్ బాబు వెల్లడించారు.
