టాలీవుడ్లో ఛలో సినిమాతో ఎంట్రీ ఇచ్చి గీతాగోవింద సినిమాతో మంచి గుర్తింపు తెచ్చుకున్న నటి రష్మిక మందన్న. ప్రస్తుతం తెలుగు ఇండస్ట్రీలో వరస విజయాలతో దూసుకుపోతుంది ఈ ముద్దుగుమ్మ. లాక్డౌన్ కారణంగా ఇంటికే పరితమైన రష్మిక సోషల్ మీడియాలో అభిమానులతో ముచ్చటిస్తుంది. తన జీవితంలోని ఆసక్తికర విషయాలను వాళ్లతో పంచుకుంది.
ఇదిలా ఉంటే ఇప్పుడు తనకు రష్మిక కాకుండా మరో సూట్ అయ్యే పేరు చెప్పమని అభిమానుల కోరింది ఈ కన్నడ బ్యూటీ. తాజాగా ఫ్యాన్స్తో మాట్లాడుతూ తను ఒకవేళ పేరు మార్చుకోవాల్సి వస్తే ఏ పేరు బాగుంటుందని అడిగింది. దానికి చాలా మంది డియర్ కామ్రేడ్లోని లిల్లీ పేరు సూచించారు. మరికొందరు ఓ అడుగు ముందుకేసి రష్మిక దేవరకొండ అని కామెంట్ చేయగా.. మోనీ, తలా రష్మిక, పింకీ, శాన్వీ లాంటి పేర్లను కూడా సూచించారు. మరికొందరు మాత్రం.. మీ పేరు అందంగా ఉంది.. ఎందుకు మేడమ్ పేరు మార్చుకోవడం అంటు కామెంట్ చేశారు.
