Allu Aravind about Niharika NM:
తెలుగు ప్రేక్షకుల్ని కొత్తగా అలరించడానికి మరో వినూత్న సినిమా సిద్ధమైంది. పేరు “మిత్ర మండలి”. ప్రియదర్శి, విష్ణు ఓయ్, రాగ్ మయూర్, ప్రసాద్ బెహరా లు హీరోలుగా నటిస్తున్న ఈ సినిమాకు విజయేంద్ర ఎస్ దర్శకత్వం వహిస్తున్నారు. ప్రత్యేకత ఏంటంటే, సోషల్ మీడియా సెన్సేషన్ నిహారిక NM ఈ సినిమాతో తెలుగు ప్రేక్షకులకు పరిచయం అవుతున్నారు.
ఇప్పటికే నిహారిక NM ఇన్‌స్టాగ్రామ్‌లో తన హ్యూమర్‌తో లక్షలాది మంది అభిమానులను సంపాదించుకుంది. ఇప్పుడు వెండితెరపై తన టాలెంట్ చూపించబోతోంది.
ఈరోజు టీజర్ లాంచ్ ఈవెంట్ గ్రాండ్ గా జరిగింది. ఈ వేడుకకు ప్రముఖ నిర్మాత అల్లు అరవింద్ ముఖ్య అతిథిగా హాజరయ్యారు. అతను తన స్పీచ్‌లో ఒక సరదా సంఘటనను చెప్పాడు:
“వాసు (బన్నీ వాస్) నాకు హీరోయిన్ల ఫోటోలు చూపించాడు. నిహారిక ఫోటో చూసిన వెంటనే ఆమెనే సెలెక్ట్ చేశాను. నేను ఆమెను ఇన్‌స్టాలో ఎప్పుడో నుంచే ఫాలో అవుతున్నా,” అంటూ నవ్వుతూ చెప్పారు.
అంతేకాకుండా ఆయన సరదాగా, “ఆమె పోస్ట్‌లు చూడటానికి నాకు ఫేక్ ఐడీ వాడాల్సి వచ్చింది, లేదంటే ట్రోలింగ్ వస్తుంది కాబట్టి!” అంటూ అందరినీ నవ్వించారు.
ఈ చిత్రాన్ని కళ్యాణ్ మంతిన, భాను ప్రతాప్, డాక్టర్ విజయేందర్ రెడ్డి తేగల కలిసి నిర్మిస్తున్నారు. బన్నీ వాస్ వారు BV వర్క్స్ పై ప్రెజెంట్ చేస్తున్నారు. సంగీతాన్ని RR ధ్రువన్ అందిస్తున్నారు.
సినిమా విడుదల తేదీని త్వరలో ప్రకటించనున్నారు.
