షకీలా పేరు తెలియని వారు ఉండరు. షకీలా అంటే శృంగార చిత్రాలకు పెట్టింది పేరు. అడపా దడపా సినిమాలు చేస్తూ చాలాకాలం తర్వాత తాను సొంతంగా నటించి నిర్మించిన ఓ చిత్రాన్ని విడుదల చేసేందుకు నానా తంటాలు పడుతోంది. రెండేళ్లుగా ఈ సినిమా విడుదల వాయిదా పడుతూ వస్తోంది. ‘లేడీస్ నాట్ అలౌడ్’ పేరుతో రూపొందించిన ఈ సినిమా ఎన్నో కష్టాలు పడి తీశామని అంటోంది షకీలా. 3 నెలల్లోనే సినిమాను పూర్తి చేసినా సెన్సార్ పూర్తికావడానికి ఏడాదిన్నరపైనే పట్టింది. ఈ సినిమా సెన్సార్ కోసం హైదరాబాద్, చెన్నై, బొంబాయి, ఢిల్లీకి కూడా వెళ్లాల్సి వచ్చిందని అంటోంది. సెన్సార్ పూర్తికాక విడుదల ఆగిపోయిందని చెప్పింది. అయితే ఈ సినిమాను డిజిటలైజ్ చేసి ఆన్ లైన్లో విడుదల చేయొచ్చు అని తెలిసింది. ఈ సినిమాను సెన్సార్ చేయకపోవడంతో డిజిటల్ ప్లాట్ ఫామ్లో విడుదల చేస్తున్నాం. ఆ సినిమా ప్రమోషన్స్ కోసం హైదరాబాద్ రావడానికి ప్రయత్నిస్తే లాక్ డౌన్ వల్ల అనుమతి లభించలేదు.
లేడీస్ నాట్ అలౌడ్ సినిమా కోసం నా ఆస్తులన్నిటినీ అమ్మేసి పెట్టుబడిగా పెట్టాను. ఈ సినిమాను చూసి నా కష్టాలనుంచి గట్టెక్కించాలని ప్రేక్షక దేవుళ్లను కోరుకుంటున్నానంటూ అంటూ ఎమోషనల్ వీడియోను షేర్ చేసింది షకీలా. దయచేసి సినిమా చూడండి అని వేడుకుంటోంది. www.LadiesNotAllowed.Comలో ఈ సినిమాను విడుదల చేస్తున్నాం. సినిమా టిక్కెట్ రూ.50 మాత్రమే. ఇది అడల్ట్ కామెడీ ఫిల్మ్. లేడీస్ స్ట్రిక్ట్లీ నాట్ అలౌడ్. ఈ సినిమాను చూసి మమ్మల్ని దీవించండి.. ఇప్పటికి బతికిపోతాం. దేవుడి దయ, మీ ఆశీర్వాదం కోసం ఎదురుచూస్తున్నాను అంటోంది. ఈ సినిమాను ఈ జులై 20న రాత్రి 8 గంటలకు విడుదల చేస్తున్నట్లు దర్శకుడు తెలిపారు.
