మెగాస్టార్ చిరంజీవి నటిస్తున్న తాజా చిత్రం ‘ఆచార్య’. ఈ చిత్రంలో ఐటెమ్సాంగ్లో ఎవరు నటిస్తారు అనేది వైరల్ అవుతోంది. ‘ఆచార్య’ సినిమాకు మణిశర్మ సంగీతమందిస్తున్న విషయం తెలిసిందే. ఇటీవల ఓ ఇంటర్వ్యూలో ఆయన మాట్లాడుతూ ఈ సినిమాలో ఐదు పాటలుంటాయని… అందులో ఒకటి ప్రత్యేక గీతమని చెప్పారు. ఈ సినిమాలో ఓ స్పెషల్ సాంగ్ ఉంటుందని గతంలోనే తెలిసినా.. ఇప్పుడు స్పష్టత వచ్చింది. ఈ పాటలో చిరంజీవి అదిరిపోయే స్టెప్టులు వేస్తారని టాలీవుడ్ టాక్. దీంతో ఇందులో ఆయన పక్కన మెరిసిపోయే బ్యూటీ గురించి ఇప్పుడు చర్చ మొదలైంది.
‘ఆచార్య’ సినిమాలో ఐటెమ్ సాంగ్ కోసం రెజీనాను సంప్రదించినట్లు గతంలో వార్తలొచ్చాయి. అయిత ఆ తర్వాత దీనిపై ఎలాంటి సమాచారం లేదు. ఇప్పుడు ఈ జాబితాలోకి తమన్నా పేరు వచ్చింది. ‘సైరా’ సినిమాలో వీరిద్దరూ కలసి నటించిన విషయం తెలిసిందే. ఇందులో తమన్నా చిరుతో ఆడిపాడితే వరుసగా రెండో సినిమా అవుతుంది. ‘ఆచార్య’కు కొరటాల శివ దర్శకత్వం వహిస్తుండగా.. కాజల్ అగర్వాల్ నటిస్తోంది.