లాక్‌డౌన్‌ తర్వాత హైదరాబాద్ లో సినిమాల షూటింగ్స్ తిరిగి ప్రారంభమయ్యాయి. ఈ క్రమంలో ప్రేక్షకులందరూ ఎంతగానో ఎదురుచూస్తున్న ‘ఆర్‌ఆర్‌ఆర్‌’ షూట్‌ తిరిగి ఆరంభమైంది. దర్శకధీరుడు రాజమౌళి తెరకెక్కిస్తున్న భారీ మల్టీస్టారర్ మూవీ ఆర్‌ఆర్‌ఆర్‌. ఈ సినిమాలో మెగా పవర్‌ స్టార్‌ రామ్‌ చరణ్‌, యంగ్‌ టైగర్‌ ఎన్టీఆర్‌ హీరోలుగా నటిస్తున్నారు. తాజాగా ఈ మూవీ సెట్‌లో రామరాజు (రామ్‌చరణ్‌) అడుగుపెట్టారు. ఈ విషయాన్ని తెలియజేస్తూ సోమవారం ఉదయం ప్రముఖ సెలబ్రిటీ హెయిర్‌ స్టైలిష్ట్‌ అలీమ్‌ హకీమ్‌ చెర్రీతో దిగిన ఓ ఫొటోని షేర్ చేశారు.
‘లాక్‌డౌన్‌ ఎత్తివేయడంతో షూటింగ్స్ ఇప్పుడిప్పుడే ప్రారంభమవుతున్నాయి. ఈ క్రమంలోనే సోమవారం హైదరాబాద్‌లో చరణ్‌ హెయిర్‌స్టైల్‌తో నా రోజు ప్రారంభమైంది. మనందరికీ ఎంతో ఇష్టమైన దర్శకుడు రాజమౌళి తెరకెక్కిస్తున్న ‘ఆర్‌ఆర్‌ఆర్‌’ షూట్‌కి చెర్రీ సిద్ధమయ్యారు’ అని అలీమ్‌ ట్వీట్‌ చేశారు. ప్రస్తుతం ఈ ఫొటో సోషల్‌ మీడియాలో వైరల్‌గా మారింది. డీవీవీ ఎంటర్‌టైన్‌మెంట్స్‌ బ్యానర్‌పై నిర్మితమవుతున్న ఈ చిత్రానికి డీవీవీ దానయ్య నిర్మాతగా వ్యవహరిస్తున్నారు. కీరవాణి సంగీతం అందిస్తున్నారు. ఆలియాభట్‌, ఒలీవియా మోరీస్‌, అజయ్‌ దేవ్‌గణ్‌, శ్రియ, తదితరులు కీలకపాత్రలు పోషిస్తున్నారు.
Today In Hyderabad, Lockdown 2.0 is lifted and the movies have resumed their shoots.. Starting my day with a Haircut for Superstar Ram Charan @AlwaysRamCharan for the Movie #RRR directed by everyone’s favourite @ssrajamouli Sir.@alwaysramcharan @AalimHakim pic.twitter.com/vYODyMNEFH
— Aalim Hakim (@AalimHakim) June 21, 2021
