లోఫర్ భామకు జాకీ చాన్ అండ!
వరుణ్ తేజ్, పూరీ జగన్నాథ్ కాంబినేషన్ లో రూపొందిన ‘లోఫర్’ సినిమాలో నటించిన దిశా
పటానికి క్రేజీ ఆఫర్స్ వస్తున్నాయి. బాలీవుడ్ లో ధోనీ బయోపిక్ సినిమాలో ఛాన్స్ కొట్టేసిన
ఈ భామ జాకీచాన్ తో కలిసి ‘కుంగ్ ఫూ యోగా’ అనే సినిమాలో కూడా నటిస్తోంది. షూటింగ్
సమయంలో దిశా నటన నచ్చిన జాకీ చాన్ తనకు హాలీవుడ్ అవకాశాలు ఇప్పించడానికి
ప్రయత్నిస్తున్నాడు. జాకీచాన్ నిర్మాణ సంస్థ వ్యవహారాలను చూసుకునే ఓ సంస్థకు దిశా
పేరును సిఫార్సు చేశారట. దీన్ని బట్టి ఆమె త్వరలోనే హాలీవుడ్ తెరపై కనిపించే అవకాశాలు
మెండుగా కనిపిస్తున్నాయి. ఇక జాకీ చాన్ చేస్తోన్న ఈ సహాయానికి అమ్మడు తెగ
సంబరపడిపోతుంది. ఓ గురువులా ఆయన నాకు సహాయం చేస్తున్నారని చెప్పుకుంటోంది.
అతి తక్కువ సమయంలోనే హాలీవుడ్ కు వెళ్ళే హీరోయిన్ జాబితాలో దిశా పేరు
ముందుంటుంది.
