గత కొంతకాలంగా నయనతార, దర్శకుడు విఘ్నేశ్ శివన్ ను ప్రేమిస్తున్నట్లు వార్తలు వినిపిస్తున్నాయి. ‘నానుమ్ రౌడీతాన్’ సినిమా షూటింగ్ సమయంలో వీరి మధ్య ప్రేమ చిగురించినట్లు త్వరలోనే పెళ్లి కూడా చేసుకోబోతున్నారని కోలీవుడ్ మీడియాలో వార్తలను ప్రచురిస్తున్నారు. తాజాగా ఓ సంఘటన ఈ వార్తల్లో నిజముందని నిరూపిస్తుంది. విఘ్నేశ్ శివన్ తల్లితండ్రులు ఇద్దరు పోలీస్ ఆఫీసర్స్ గా పని చేసేవారు. ముఖ్యంగా విఘ్నేశ్ తల్లి పేరు చెప్తే రౌడీలు భయపడేవారట. ఈ విషయాలు తెలుసుకున్న నయనతార ఆమెను ఇప్పటినుండే మచ్చిక చేసుకోవాలని విఘ్నేశ్ ఆమెను పరిచయం చేయడంతో.. ఆ పరిచయాన్ని మరింత పెంచుకోవడానికి నయన్ ఆమెను ఇంటికి పిలిచి విందునిచ్చిందనే ప్రచారం జరుగుతోంది. అంతేకాదు ఆ విందు స్వయంగా నయన్ సిద్ధం చేసినట్లు తెలుస్తోంది. కాబోయే అత్తగారి కోసం నయన్ వంటింటికి వెళ్ళి మరీ ఆమెకు వంట చేసి పెట్టడంతో కోలీవుడ్ మీడియా త్వరలోనే నయన్, విఘ్నేశ్ శివన్ ను వివాహమాడనుందని వార్తలను ప్రచురిస్తున్నాయి.
