నందమూరి బాలకృష్ణ, పూరి జగన్నాథ్ కాంబినేషన్‌ లో ఇప్పటికే ‘పైసా వసూల్’ చిత్రం వచ్చింది. ఇప్పుడు మళ్లీ వీరిద్దరి కాంబినేషన్లో మరో సినిమా వచ్చే అవకాశం ఉన్నట్లు తెలుస్తోంది. ప్రస్తుతం బోయపాటి శ్రీను దర్శకత్వంలో బాలకృష్ణ ఓ యాక్షన్ ఎంటర్ టైనర్ ను చేస్తున్నారు. దీని తర్వాత బాలకృష్ణ చేసే చిత్రం పూరి దర్శకత్వంలోనేనని అంటున్నారు. ఇటీవల తాను ఓ స్టార్ హీరో కోసం స్క్రిప్ట్ వర్క్ చేస్తున్నానని పూరి ప్రకటించాడు. అది బాలయ్య కోసమేనని, ఇప్పటికే బాలయ్య ఈ స్క్రిప్టుకు గ్రీన్ సిగ్నల్ ఇచ్చేశారని సమాచారం. ప్రస్తుతం పూరి జగన్నాథ్ విజయ్ దేవరకొండతో ‘ఫైటర్’ చిత్రాన్ని చేస్తున్నారు. దీని చివరి షెడ్యూలు షూటింగ్ త్వరలో జరుగుతుంది. దీని తర్వాత ఆయన బాలకృష్ణ చిత్రంపైనే వర్క్ చేస్తారని టాక్‌.
మరోసారి పూరి-బాలయ్య కాంబినేషన్‌ రిపీట్‌
