హీరో బాలకృష్ణ నటించిన ‘రూలర్’ సినిమా రేపు విడుదల కాబోతున్నది. ఈ చిత్రంలో బాలయ్య డ్యూయెల్ రోల్ చేస్తున్నారు. అందుకు తగ్గట్టుగానే ఇద్దరు హీరోయిన్లు ఉన్నారు. ఒకరు వేదిక కాగా, మరొకరు సోనాలి చౌహన్. సోనాలి చౌహన్ ఇప్పటికే బాలయ్యతో రెండు సినిమాలు చేసింది. రెండు మంచి విజయం సాధించాయి. దీంతో బాలయ్య సెంటిమెంట్ తో రూలర్ సినిమాలో కూడా ఆమెనే ఒక హీరోయిన్ గా తీసుకున్నారు.
బాలయ్య సినిమాలో హీరోయిన్ గా చేయాలి అంటే గట్స్ ఉండాలి. బాలయ్య డైలాగ్ డెలివరీకి అందుకోవడం చాలా కష్టం. సినిమాలో ఎలా ఉన్నా బాలయ్య సెట్స్ లో మాత్రం ప్రతి ఒక్కరితో సరదాగా ఉంటారట. ఇక ఈ సినిమాలోని ముగ్గురు హీరోయిన్లు అందేంటి ఇద్దరు కదా ముగ్గురు ఎక్కడి నుంచి వచ్చారు అనుకుంటున్నారా…? ఇందులో భూమిక కూడా కీలక పాత్ర పోషించింది. ఇంచుమించుగా హీరోయిన్ లాంటి పాత్రనే. ముగ్గురు కలిసి సినిమా ప్రమోషన్స్ లో పాల్గొన్నారు. ముగ్గురు కలిసి దిగిన ఫోటోలు సోషల్ మీడియాలో ట్రెండ్ అవుతున్నాయి.
