మెగాస్టార్ చిరంజీవి హీరోగా నటించిన చిత్రం ‘భోళా శంకర్’. ఈ సినిమా విడుదలైన రోజు నుంచే నెగిటివ్ టాక్ తెచ్చుకుంది. రామబ్రహ్మం సుంకర నిర్మించిన ఈ సినిమాకి, మెహర్ రమేశ్ దర్శకత్వం వహించాడు. ఈ నెల 11వ తేదీన విడుదలైన ఈ సినిమా, మెగా అభిమానులను నిరాశపరిచింది.
వీకెండ్ తరువాత వసూళ్లు కూడా బాగా పడిపోయాయి. నిర్మాతకి భారీ నష్టం తప్పదనే ప్రచారం జరుగుతోంది. ఈ నేపథ్యంలో ఈ సినిమా ఓటీటీ హక్కులు నెట్ ఫ్లిక్స్ దక్కించుకుంది. ఈ ఓటీటీ ఫ్లాట్ ఫామ్ పై ఈ సినిమాను సెప్టెంబర్ 18వ తేదీ నుంచి స్ట్రీమింగ్ చేయనున్నట్లు అంటున్నారు. అయితే, ఈ విషయంపై అధికారిక ప్రకటన రావాల్సి ఉంది.
అంటే ‘వినాయక చవితి’ పండుగ సందర్భంగా ఈ సినిమాను వదలనున్నారని సమాచారం. ఓటీటీ వైపు నుంచి ఈ సినిమాకి మంచి రెస్పాన్స్ రావొచ్చని భావిస్తున్నారు. ఈ సినిమాలో తమన్నా హీరోయిన్గా నటించగా.. కీర్తి సురేష్ చిరంజీవి చెల్లిగా నటించింది. సుశాంత్, మురళీ శర్మ, రఘుబాబు, రవిశంకర్, వెన్నెల కిశోర్, తులసి, గెటప్ శీను కీలకపాత్రలు పోషించారు. మహతీ స్వరసాగర్ సంగీతం అందించారు.
