F2 టీమ్‌కి దిల్‌ రాజు ఖరీదైన గిఫ్ట్స్ !

దిల్ రాజు నిర్మాతగా ఈమధ్య కాలంలో అందుకున్న బిగ్గెస్ట్ హిట్ ‘ఎఫ్‌ 2’. సంక్రాతికి విడుదలైన ఈ సినిమా 50 రోజులు పూర్తిచేసుకుంది. అన్ని ఏరియాల్లోనూ బ్రహ్మాండంగా ఆడిన సినిమా డిస్ట్రిబ్యూటర్లకు మంచి లాభాల్ని తెచ్చిపెట్టింది. నిర్మాత దిల్ రాజుకు ఈ ప్రాజెక్ట్ భారీ లాభాల్ని మిగిల్చింది. ఆయన గత సినిమాల నష్టాలన్నీ ఈ లాభాలతో తీరిపోయాయట. అందుకే ఆయన సినిమా దర్శకత్వ విభాగంలో ఉన్న అందరికీ ఖరీదైన లేటెస్ట్ ఐఫోన్స్ బహుమతిగా ఇచ్చారట. ఇకపోతే దిల్ రాజు, అనిల్ రావిపూడి కలయికలో ‘పటాస్, రాజా ది గ్రేట్’ తరవాత ఇది మూడవ హిట్ కావడం విశేషం.